özünü itirmiş, utandığından qıpqırmızı olmuşdu. Özünü itirdiyi üçün aşağı düşmək istəyəndə pilləkəndən sürətlə düşdüyü üçün müvazinətini itirərək aşağı yuvarlanmış və başı pilləkənə zərbə ilə dəydiyi üçün huşunu itirmişdi. Əli bu olanlar qarşısında tam bir şok keçirdiyi üçün öncə nə edəcəyini bilmədən aşağı düşüb Nigarı səsləmiş ,amma ondan cavab ala bilməyincə cəld xəstəxanaya zəng edib maşın istəmişdi. Aylin gələnə kimi artıq Nigarı xəstəxanaya çatdırmışdılar.
Aylin tıxacda gözləməkdən bezib maşınını tıxacda qoyub ayaqla çıxmışdı tıxacdan. Ürəyi heç də rahat deyildi,pis nəsə ola biləcəyini hiss edirdi. Əli birdən nəsə dəlilik edər deyə qorxmuşdu. Ağlına ilk öncə Samir gəlmişdi. Ona zəng edib hər şeyi danışmışdı. Sonra tıxacdan çıxdıqdan sonra yolda gedən taksilərdən birinə minib Əlinin evinə gəlmiş və qapını aralı görüb təşvişə düşmüşdü. İçəri girməyə qorxsa da, rəfiqəsinin başına nəsə gəlmə qorxusu daha üstün çıxmışdı. İçəri girmiş və yerdə Nigarın yerə dəyməsi ilə başından açılan qanın izlərini görüb qışqırmağa başlamışdı. Əli də başını tutaraq divanda oturmuşdu. Nigar onun gözü önündə düşmüşdü yerə. Ona görə də özünə gələ bilmirdi. Aylini görən kimi dəliyə dönərək onu boğmağa başlamışdı :
-Nigarı sən doldurmusan, hə.. Sən istəməmisən biz xoşbəxt olaq,-deyib boğan zaman Samir içəri daxil olaraq Əlini döyməyə başlamışdı. Aylin onlara mane olmaq istəsə də,Əli onu itələmiş və Aylinin başı zərbə ilə dəydiyi üçün özündən getmişdi. Aylinin yerə düşməsi ilə Samir Əlini buraxıb Aylini təcili xəstəxanaya çatdırmışdı.Samir elə yoldaca Səlimə zəng edərək Aylini xəstəxanaya apardığını xəbər vermişdi. Səlim xəstəxanaya necə çatdığını bilmədi. Aylini o vəziyyətdə görəndə onu itirəcəyindən çox qorxmuşdu. Sevgini anlamaq üçün mütləq itirməkmi lazım idi? Aylinin yatdığı otaqda oturub Aylini seyr edirdi.Dua edərək Aylin üçün şəfa diləyirdi. Təki Aylin yaxşı olsun, sağalsın. Sevdiyi qadının özünə gəlməsi ilə isə gözünə işıq gəlmişdi.
***
Samir də Nigarın baş tərəfində