baş verənləri demə. Heç nə bilmir. Əliyə qarşı haqsızlıq etdiyini deyir ancaq. Daha da üzülməsin. Onsuzda, arada xəyanət yoxdu.
-Yox, Samir. Sən nə danışırsan? Mən əminəm ki,o alçaq günahkardı. Sadəcə bilmirəm, necə olubsa, hadisələr başqa cür cərəyan edib. Mən Əliyə heç güvənə bilmirəm. Bilirəm ki, o, nəsə gizlədir. Nigarın gözünü açmaq lazımdır, - deyib Nigarın otağına girmək istəyəndə Samir onu saxladı.
-Aylin, heç olmasa indi yox. Heç yaxşı deyil vəziyyəti. Qoy burdan çıxsın,özünə gəlsin sonra, - Samir Aylini yola gətirməyə çalışdı.
-Yaxşı,-Heç ürəyincə olmasa da ,razılaşmalı oldu.Nigara olanları danışmağı çox istəyirdi. İndi olmasa da,mütləq danışacaqdı olanları..
***
Aylinin vəziyyəti yaxşı olduğu üçün evə buraxmışdılar. Yolda Səlim maşını bir kafenin önündə saxladı.
-Burda niyə durdun ki, Səlim?
-Düş, bir çay içək. Evə sonra gedərik.
-Axı, evdə bizi gözləyirlər...
-Yad deyillər. Gözləsinlər qoy,-deyərək özü maşından düşüb Aylin üçün də qapını açdı.
-Çox sağ ol,centlmen,-deyib gülümsədi.
Oturub çay sifariş verdilər.
-Aylin, yaxşısan?
-Hə, Səlim. Narahat olma.
-Bilirsən,əslində, səninlə bir şey danışmaq istəyirəm,-Gözlərini bir nöqtədə saxlaya bilmirdi. Həyəcanlı idi. Aylinin sual dolu nəzərləri qarşısında bir az da tərəddüd edirdi. Desinmi, deməsinmi?
-Nə haqqında?
-Ən son biz söhbət edərkən Sara gəldi və söhbətimiz yarımçıq qaldı. Onda mən səndən bəzi şeylər də soruşmaq istəyirdim.
-Aha. Bəs nə soruşmaq istəyirdin?
-Səninlə aramızda nəsə olub?-cümləsini birnəfəsə deyib dərindən nəfəs alaraq Aylinin utancdan rəng alıb-rəng verən üzünə baxdı.
-Bu hardan çıxdı, Səlim,-nəyi gözləsə də, belə bir şey gözləmirdi. İndi nə cavab versin? Utancından başını da qaldıra bilmirdi.
-Keçən dəfə Samir məni evə gətirdiyi zaman sən məni çıxarmısan otağa. Ondan sonra aramızda nəsə baş veribmi?- Artıq Səlim utanmadan danışırdı.Aylinin üzünə baxaraq danışsa da,Aylin ona baxa bilmirdi,həyəcandan ölməmək üçün özünü güclə saxlayırdı.
-Yox,Səlim. Nə olacaq ki?