. Türkiyədə olanda mənim düşünməyə, hər şeyi yerbəyer etməyə çox vaxtım oldu. Yuxusuz gecələrim etdiyim səhvləri anlamaq ilə, onları düzəltmək istəyi ilə keçirdi. Sən mənə bircə şans versən, bircə dəfə yenidən başlamaq istəsən ,inan ki, dəyişəcəyimə söz verirəm . Ötən dəfə dediklərim əsəbdən idi. Bilirəm qəlbini qırmışam, sənə çox əzab çəkdirmişəm, - Yaşar dərindən nəfəs alarkən Baharı özünə doğru bir az daha çəkib onu hərəkətsiz hala gətirdi. -Sən nə istəyirsən? Boşanmaq? Hələ də?- onun səsi pıçıltı ilə əvəz olunurdu. Otaqda elə bir səssizlik hökm sürürdü ki, divardan asılan üçbucaq şəkilli saatın səsi bir-birinə dəyən dırnaqlar kimi insanı qıcıqlandırırdı. Yaşar Bahar ilə burun-buruna dayanmış, bütün hisslərini gözlərində əks etdirməyə çalışaraq yalvarışla ona baxırdı. -Bahar, dünənki gecədən sonra da? Bizim bir-birimizə nə qədər bağlı olduğumuzu bilə-bilə də? Hələ də boşanmaq istəyirsən? Bahar udqundu və ona doğru gələn dodaqları qəbul etdi. Öpüşlərin ardı yataqda davam edirdi. Bahar necə olduğunu bilmədən qolu gücünə onun üzərində dayanan ərini yataqda uzanıq şəkildə bütün ehtirasla öpərkən telefonuna gələn zəng ilə yerindən sıçradı. Ekranda əks olunan Elvin ismi Yaşarın ifadəsini dəyişməyə kifayət idi. Lakin o heç nə demədi və Baharın zəngi rahat qəbul etməsi üçün qalxıb hamam otağına keçdi. Yaşar əl-üz yuyanın qarşısında bir xeylaq dayandı və fikirləşdi. Bahara söz vermişdi ki, qısqanclığın aralarına girməsinə icazə verməyəcək, lakin indi boğazına yığılan zəhər kimi acı qısqanclıq dadı qəlbini deşir, çıxmaq üçün özünə yer axtarırdı. Baharın səsi kəsiləndə astaca qapını açdı. Gözlədiyinin əksinə yoldaşı hələ də yataqda oturmuşdu. Sakitcə otağın ortasına gəlib onun üzünə baxmadan -Gedirsən?- dediyində Baharın gözləri ötəri gülümsəmə ilə parladı. -Yox, bu gün evdəyəm. İcazə aldım. Yaşarın çevrilib ona baxdığında üz ifadəsi o qədər gülməli idi ki, Bahar özünü saxlamadan nəhayət dişlərini göstərərək ürəkdən gülməyə başlamışdı. Yaşar onu qucaqlayıb öpüşlərə qərq