edəndə Bahar da qarşılıq verir , ərinin hər toxunuşu ilə məst olurdu. Yaşar bütün işlərini bitirdikdən sonra Baharı evdən götürüb ilk öncə yemək üçün restorana aparmış, daha sonra saatlarla sahildə gəzdirmişdi. İki yeni insan evlilik qədəmlərini yenicə basmış kimi bezmədən, doymadan bildikləri, bu bir il ərzində yaşadıqları hər şey haqqında bir-birlərinə hər şeyi danışır, sanki danışmağa həsrət qalmış kimi durmadan söhbət etdilər. Bahar Elvin haqqında, Cavidan haqqında danışmağa ilk öncə çəkinsə də, Yaşar özü onların adını çəkir və barələrində suallar verərək aradakı gərginliyi tamamilə yox etmişdi. İndi Bahar ürəkdən gülür, ona işlədiyi yerdə yaşanan ən gülməli və ən maraqlı hadisələri nağıl edirdi. Sahildə dayanıb söhbət edərkən artıq mövzudan uzaq düşmüş və dodaqlarına köklənmiş Yaşar anidən yoldaşını öpəndə Bahar əvvəlcə onları görəcək biri olacaq deyə geri çəkilmək istədi, lakin sonra özünü ərinin qollarına təhvil verib tamamilə bu dünyadan uzaqlaşdı . Evə qayıtmayan cütlük gecəni oteldə keçirdilər və bu gecə onların bir illik ayrı keçən gecələrinin əvəzi oldu. Bütün xoş sözlər qulaqlara pıçıldandı; qəlb titrədən toxunuşlar sona qədər yolunu getdi və istədiyinə çatdı. Həzz və nəvazişin qarşılığı bütünlüklə ödəndi. Elvin bu aylar ərzində işə ilk dəfədir bu qədər xoşbəxt əhval-ruhiyyə ilə gələn Baharı gördüyündə bu sevincin nəyə əsaslandığını bildiyi halda onun yerinə çox sevinirdi. Baxmayaraq ki, qısqanır və bu zəhəri qanından təmizləyə bilmir, yenə də Baharın üzündəki silinməyən təbəssümə görə Yaşara minnətdar olurdu. Yaşar bir neçə gün ərzində Cavidan ilə də görüşüb ona planları haqqında danışdı. Dostunun necə xoşbəxt və qərarlarında dəqiq olduğunu görən Cavidan onun əvəzinə sevinir ,lakin bu qədər tez verilən qərarlara da şübhə ilə yanaşırdı.Mariya isə Cavidanın bu narahatlığını hələ də Baharı unutmaması ilə əlaqələndirirdi. Bir il öncə Yaşar gedərkən Cavidan ilə Mariya da aralarındakı intim münasibətə son qoymuşdular. Onlar indi ancaq dost və iş yoldaşı