ı kimi münasibətlərini davam etdirirdilər. Cavidan üçün bu asan idisə, Mariyanın içi tüğyan edirdi. Bunu bildirmək istəmirdi, amma zaman-zaman Cavidan ilə danışığında öz əsəbini saxlaya bilmədən onun üzərinə qışqırır, ən adi hadisəyə belə sərt reaksiya verə bilirdi. Nə edə bilərdi Cavidan? Mariyanın haqqlı olduğunu bilirdi. İllərini ona və onun işinə həsr etmiş qadın hər nə qədər Cavidanı başqası ilə xoşbəxt olacağı halda rahat buraxacağını düşünsə də , indi sevdiyi insanın eyniylə onun özünün taleyini yaşadığını görüb dəliyə dönürdü. Cavidan Bahar kimi birini tapa bilməsə idi bir daha xoşbəxt olmayacaqdı. Mariya kimi o da sevdiyi qadını təktərəfli sevərək ömrünü keçirəcək və kişi xoşbəxtliyinin nə olduğunu heç vaxt başa düşməyəcəkdi. -Mariya da günü-gündən gözəlləşir.- Yaşar hər zaman bir yerdə oturduqları kafenin dairəvi masasında əyləşən dostlarına göz gəzdirdi. Buraya gəldiklərindən bəri ikisinin də üzü gülmür, dedikləri hər şey süni çıxırdı. Cavidan artıq Yaşarın etmək istədiklərindən xəbərdar olduğu üçün Mariya nə baş verdiyini başa düşməyən yeganə insan idi bu ortamda. -Mən həmişə elə idim , cənab,- Mariya əda ilə gülümsədi. -Əgər, mənim də təsdiqimi gözləyirsinizsə, məncə boş verin.- deyərək Cavidan yerini rahatladı. Mariya ilə Yaşar onun zarafatına güldülər, lakin bu gülüş özünü ciddiyyət ilə əvəzləyəndə hamı susdu və danışmaq sırası gələn şəxsə diqqəti yönəltdi. -Bilirsiz ki, nə etmək istəyirəm. -Düzü ,mən hələ də söhbətə fransız qalmışam.- Heç nədən tam xəbəri olmayan Mariyanın qaşları qalxdı. -Dostumuz həyat yoldaşının qırdığı qəlbini ələ almağa çalışır və bizdən kömək istəyir. - istehzadan məhrum olmayan cümlə Cavidanın ağzından çıxanda o, başını endirmiş və dostlarına baxmırdı. -Nece? -Hə, amma sizdən kömək deyil, dəstək istəyirəm.- Yaşar da kinayəni işə saldı. -Yəni, mən düz başa düşdüm? Siz Bahar ilə iki evli insan , indi barışıb ,yenidən birləşmək üçün bizə ehtiyac duyursunuz? Серьезно ?(Ciddisən?) Uşaq kimisən , Yaşar. Tanıya bilmirəm səni. -Ona