evlilik təklif etmək istəyirəm. - Yaşar tam ciddi idi. Mariya ilə Cavidanın isə üz ifadəsini bu sözlər dəyişə bilmişdi. -Xatırladım ki, siz artıq evlənmisiniz , qardaşım. -O zaman biz ikimiz də bunu istəmirdik. Bahar ilə hər şeyi tam başdan başlamaq istəyirəm. 0-dan başlamaq və davam etdirmək. -Yaşar, səni tanımıram. Vallah, inana bilmirəm. Боже мой (Tanrım), inana bilmirəm.- Mariya əli sinəsində ağzını açaraq iri gözlərini Yaşarın üzünə zilləmişdi. -Mənə kömək edəcəksiniz , uşaqlar? -Mən Bahar üçün hər şey edərəm.- Cavidan heç utanmadan dilinə gətirdiyi sözə dərhal Mariya da qoşuldu. -Mən də. Bir ildir məni axtarmayan tanış üçün deyil, dünyanın ən yaxşı, ən saf qızı üçün edəcəyəm nə desən. Amma!- Mariyanın işarət barmağı nida kimi havada dayandı.- Əgər mənə onu bir daha incitməyəcəyin barədə söz verirsənsə. -İlahi, bu günləri də gördüm.- Yaşarın gülüşünə hər iki tərəf qatıldı. Bahar işdən çıxmağa hazırlaşırdı ki, telefonuna gələn zəng dodaqlarında təbəssüm yaratdı. -Mən elə indi çıxırdım.- Bahar telefona cavab verdi və Əhməd ilə Elvinə əl edərək qapıdan çıxdı. -Qulaq as , Bahar , bir az sonra səni götürməyə biri gələcək. Mən göndərmişəm. Maşına min və sual vermədən gəl. Yaxşı? Bahar gülümsündü. -Olsun, cənab. Yenə hara aparırsınız məni? -Sen gəl, özün görəcəksən. Bahar dəstəyi endirib başını yellədi . Gözünü gələcək olan avtomobilin yoluna dikərkən ürəyi gənc qızların ürəyi kimi çırpınır, baş verəcəklərin nə olduğunu bilmədən ağlı başından çıxırdı. -Bahar ! Bahar eşitdiyi səs ilə üzündən silinməyən gülüşünü yavaş-yavaş itirməyə başladı. Başını çevirməyə belə qorxurdu. Ancaq çox keçmədi ki, səsin sahibi özü onun qarşısında dayandı. Baharın havanın soyuğundan donan dodaqları aralı qalmış, gözləri hədəqəsini tərk edəcək qədər böyümüşdü. Bu an onun başına gələ biləcək ən qorxulu şey gəlirdi və Bahar buna qarşı çıxa biləcək qədər güclü