,demək.
-Bəs gülləri vermədən niyə gedirdin? - Nigar çiçəkləri alaraq Samirdən maraqla soruşdu.
-Sadəcə sənin necə olduğunu bilmək istədim. Sonra da necə olduğunu xanımdan soruşanda, - baxışları ilə həkimlə danışan qızı göstərərək,- Yaxşı olduğunu dedi. Mən də sənin üçün problem olmasın deyə narahat etmək istəmədim.
- Qarşındayam indi. Gördüyün kimi də yaxşıyam,-deyib gülümsədi. Sonra gəlib - gedənə baxaraq,—istəyirsənsə, çay içək,-deyə təklif etdi.
Əlidən görmədiyi diqqəti Samirdən görəndə istər - istəməz xoşuna gəlmişdi bu vəziyyət.
-Olar,- Samir sevincək dilləndi.
Samirlə oturub danışanda Nigarın fikrinə Əli gəldi. Bir dəfə də olsun, zəng edib halını maraqlanmamışdı. Axı ordan yıxılanda ölə də bilərdi. Demək, Əlinin heç vecinə də deyildi.
***
Artıq aradan 4 həftə keçmişdi. Xəstəxanada Aylinin halını pisləşdiyi üçün Nigar Səlimə xəbər vermişdi. Səlim Aylinin özünə gəlməsini gözləyərək dəhlizdə var-gəl edirdi. Son zamanlar Aylin gözünə heç yaxşı dəymirdi. İndi də sistem qoşmuşdular. Ciddi bir xəstəliyi olmasından qorxurdu. Artıq belə olmazdı. Mütləq Aylin özünə gələndə ən qısa zaman içində Aylinlə oturub danışacaqdı. Hər şeyi yoluna qoymaq lazım idi. Aylin gözünün önündə olduqca hər gün daha Aylinə bağlanırdı. Ona görə də içindən keçənləri gərək danışsınlar.
-Yeznə,Aylin özünə gəlib,-Nigar sevinərək gərgin halda dəhlizin yollarını ölçən Səlimə xəbər verdi.Səlim cəld Aylinin otağına daxil oldu. Nigar isə dəhlizə çıxdı. Samir də burda idi. Nigar Səlimə Aylinin vəziyyətinin yaxşı olmadığını deyəndə Samir də yanında olduğu üçün birlikdə gəlmişdilər.
-Yaxşıdı,Aylin?- soruşaraq Samir Nigara baxdı.
-Yaxşıdı,özünə gəlib. Bir azdan analiz cavabları çıxar. Ümid edirəm ,hər şey yolundadır.
-Sən özün necəsən?
-Nə bilim. Heç özüm də bilmirəm,-deyərək özünü məcburi gülümsəməyə məcbur etdi.
-Əli səni incitmir,-deyərək Nigarın kədərli gözlərinə baxdı.
-Heç xəbərim var ki ondan. Yadına da düşmürəm. Dünən də zəng edib mənə dedilər ki,Əli məni aldadır. Artıq