q bilmirəm necə davranacağımı,-deyərək ağlayanda Samir Nigarı qucaqladı.
-Nigar,ağlama. Sən sadəcə Əlidən soruş. Onunla danış. Mənə nəsə demək də düşməz.
-Sən çox yaxşı dostsan,- Samirdən bir az aralanaraq gözlərini sildi.
Samir isə onun dostu olmağı heç istəmirdi. Nigara dost kimi yanaşa bilmirdi.
***
Səlim Aylinin yanına yaxınlaşaraq əlini tutdu.
-Aylin,yaxşısan? Qorxdum sənin üçün.
-Narahat olma,Səlim. Yaxşıyam,-deyərək hələ də əlini tutan Səlimə baxdı. Bu aralar münasibətləri yaxşı olmasa da, Səlim hər zaman Aylinin yanında olurdu. Bu da Aylini duyğulandırırdı. Başına nə zaman pis bir şey gəlsə,Aylin gözünü yumub açanda Səlim super qəhrəman kimi özünü ona çatdıra bilirdi. İndi də onun yanında Səlim var idi.
-Nə baş verdi bəs? Nə oldu sənə?-təlaşını gizlədə bilmirdi. Həyəcanı üzündən bəlli idi.
- Bu ara özümə diqqət etmirəm. Ona görə olub hər-halda.
-Diqqət et də özünə. Heç bilirsən necə qorxdum,-deyərək Aylini qucaqladı.
***
Solmaz həkim Aylini ciddi bir şey danışmaq üçün otağına çağırdı. Aylin bu ciddi şeyin nə olduğunu düşünərək həyəcanla Solmaz həkimin kabinetinə getdi.Qapını döyüb içəridən Solmaz həkimin "Gəl" deməsini eşidəndə dərhal otağa daxil oldu.
-Otur, Aylin.
-Solmaz,nə baş verib?Nəsə xoşagəlməz bir şey olub?- Qorxmağa başladı. Bəlkə,nəsə bir ciddi xəstəliyi var. "İlahi, xərçəng olmuşam, bəlkə." Bunu düşünərək stula oturub əlləri ilə oynamağa başladı. Solmazın deyəcəklərini eşitməyə hazır hiss etmirdi özünü.
-Canım mənim,sən hamiləsən. Təbrik edirəm,-deyərək hamiləliyini təsdiq edən sənədləri Aylinə verdi.
Ciddi bir xəstəliklə mübarizə aparmalı olacağına özünü hazırlayan Aylin bu xəbərdən sözün əsl mənasında şok yaşayırdı.
-Bu necə ola bilər,Solmaz?-deyərək gözlərini tam açıb gah Solmaza,gah da əlində tutduğu kağıza baxdı.
-Necə yəni, Aylin? Hamilə qalmağın niyə səni çaşdırdı.
-Biz qorunurduq. Hələ uşaq düşünmürdük. Ona görə təəccübləndim,-Az daha özünü ələ verəcəyini görən Aylin cəld sözünü dəyişdi.
-Demək,bu mövzuda heç də