professional deyilsiniz,-deyərək Solmaz ürəkdən güldü,-Bu ola bilər, Aylin. Qorunmaq o demək deyil ki,sən hamilə qala bilməzsən. Bəzən belə şeylər olur.
-Mən heç gözləmirdim. Dəqiq hamiləyəm,-deyərək şübhə ilə Solmaza baxdı. Sevinə də bilmirdi. Buna necə sevinsin axı?
-Əzizim,dəqiq hamiləsən,-deyərək Solmaz gülümsədi,-Yoldaşına da özüm demək istəmədim. Özün ona xüsusi hazırlıqla müjdə vermək istəyərsən,məncə,- Səlimə heç nə deməmiş olması Aylini sevindirdi. Otaqdan çıxan kimi Səlimlə qarşılaşaraq özünü itirdi.
-Hardasan sən? Bayaqdan səni axtarıram.
-Həkimlə danışırdım.
-Nə dedi?-Aylinin əlində olan kağızları görüb almaq istədi,-ver baxım.
-Səlim,-deyərək Aylin özünü gülməyə məcbur etdi,-sənin başın çıxan şeylər deyil. Həkim sadəcə bu aralar özümü çox yorduğumu və yaxşı yemədiyimi dedi. İmmunitetim zəifləyib.
-Dəqiq? Başqa şey yoxdur ki,-deyib sınayıcı baxışlarla baxdı.
-Hər şey yaxşıdır ,Səlim.
Səlimdən gizlətmək düzgün olmazdı bunu. Ancaq bunu necə deyəcəyini də bilmirdi. Ona görə də bir müddət hamiləliyini gizlətməli idi.
***
Nigar xəstəxanadan çıxdıqdan sonra ağlına gələn fikir ilə yola çıxdı. Saat artıq 8 olardı. Heç kimə heç nə demədən bu işi bu gün özü bitirməli idi. Hər şey aydınlaşdırılmalı idi. Nigar taksidə ikən Aylin təkid ilə ona zəng etsə də, Nigar açmırdı. Heç nə onu fikrindən yayındırmamalı idi. Beyninə saldığı bu fikir ilə artıq mənzil başına çatmasına çox az qalırdı. Həyəcan bürümüşdü onu. Keçən dəfə baş verənlərdən sonra bu etdiyi düzgün olmasa da,bu dəfə Aylini bəlaya salmaq istəmirdi. Bayaq xəstəxanada olanda Samirlə Aylinin danışığını eşitmişdi. Samir Aylini görmək üçün otağına girəndə Nigar təsadüfən eşitmişdi.
-Samir,məncə,Nigara Əlinin üzünü göstərmək lazımdır. Hələ də bilmir ki,həmin gün mən də xəstəxanalıq olmuşdum. Sən ora yetişməsən,məni boğub öldürə də bilərdi.
-Nigarın daha da pərişan olmasını istəmirəm.Amma ,bəlkə də,sən haqlısan. Mən,əslində bu işə qarışmaq da istəmirəm.
"Samir hər zaman xilaskar bir mələk