yerlərdə uçurdu. Elvin son günlər onu xoşbəxt gördüyü üçün belə ani dəyişikliyə hazır deyildi. "Nə olub?" sualı isə gözlədiyi kimi cavablandırılmadan ,gülümsəmə ilə yola verilmişdi. Çox tədirgin idi. Hərdən olur özünü Yaşara baş verənləri izah edirmişcəsinə özü-özünə danışan halda tapırdı. Gözlərinin qarşısında hələ də Sənanın o halı dayanır, ona rahatlıq vermirdi. Adını eşidəndə çevrildi və Sənan ikinci dəfə ağzını açanda onun kim olduğunu başa düşdü.
-Bahar ,mənə bircə dəqiqə icazə ver, yalvarıram, -demişdi, səsindəki əzab tonunu 100-ə qaldıraraq. Baharın üzərinə yenicə boya çəkilmiş və bununla daha çəkici görünən dodaqları aralı , onsuz iri olan gözləri bir az daha böyümüşdü. Sənan tanınmaz halda idi. Arıqlayıb ,əzələ üzərinə dəri çəkilmiş sümük yığımını xatırladan üzünü saqqal örtmüşdü.Boynu özündən asılı olmayaraq irəli gəlib ,onu tamamilə meymuna bənzər bir varlığa çevirmişdi. Çuxura düşən gözləri çox ağlamışdı deyəsən. Bəlkə də yuxusuzluqdan bu qədər qırmızı idilər. Bahar əli ilə ağzını örtdü. Sənan bir addım daha irəli gəldi və içkinin qoxusu Baharın üz ifadəsində gərginlik yaratdı.Addımını özünə əziyyət verərək atan Sənan yenidən irəliləmək istəyəndə qız geriyə çəkildi. Bahar buna hazır deyildi. Qətiyyən hazır deyildi...
-Bbahar... Mən...- Sənan quruyan dodaqlarını rəngi dəyişmiş dili ilə islatdı, amma bu onun danışmasına kömək edə bilmədi. Sürücü avtomobildən düşüb ona yaxınlaşmış, adını çəkmişdi, lakin Bahar eşitmirdi.
-Xanım, Yaşar bəy bizi gözləyir. - Fərid üçüncü müraciətində nəhayət, Baharın ona baxmasına nail ola bilmişdi. Gözündən enən damlanı birləşmiş barmaqları ilə soyuq üz dərisinə yaydıqdan sonra çevrildi.
-Siz gedin. Mən daha sonra özüm gələcəyəm.
-Amma ,Bahar xanım...- Fərid daha heç nə deyə bilmədi. Bahar irəliləyib görünüşü ilə dilənçiyə bənzəyən insanın qoluna girdi və oradan uzaqlaşdı. Sənanın əynində sport şalvar və qara rəngi boza çevrilmiş, üzərindəki müxtəlif ləkələr ilə geyinilməsi yararsız hala gətirilmiş gödəkcə var idi.