Bolum 22

Bəzən xatırlaya bilmədiyimiz bir həqiqət sevdiyimiz birinin qəlbini qırmaq üçün bəs edə bilər.Bir insanın qəlbini oğurlamaqdan daha asanı o qəlbi qırmaqdır. Qırmadan,incitmədən hər bir şeyi həll etmək mümkündür. Qırmayın,yoxsa qırdığınız bir qəlbi bir daha bərpa edə bilməzsiniz. Bir ömür onun əzabı ilə yaşayarsınız. Qırıq qəlb isə ən əzazil keçmişdir. Qarabaqara izləyir və hər addımda etdiyiniz yalnışı xatırladır sizə. Əsas da sevirsinizsə,daha da ehtiyatlı olun.Birini sevmək onu hər şeyi ilə;səhvləri ilə, qüsurları ilə sevmək deməkdir. Əgər o insanı mükəmməl etməyə çalışırsınızsa, sevmədiyiniz bir xasiyyətini dəyişmək istəyirsinizsə, bu sevgi deyil. Bir insanı sevəndə onu gördüyünüz kimi sevirsiniz. Həmişə də elə sevməniz lazımdır.Əksinə, sevmədiyiniz xasiyyəti belə sizə gözəl görünməlidir. Çünki onu o edən həmin qüsurlardır. İnsan mükəmməl ola bilməz ki. Ona görə də sevəndə sadəcə sevin. Başqa heç nəyə ehtiyac yoxdur. Sadəcə sevin!

Səlim əlində tutduğu hamiləlik sənədinə inana bilmirdi. Gözləri hədəqəsindən çıxacaq şəkildə dəfələrlə kağızı oxudu. Aylin Məlikzadə adında ilişib qalırdı."Bu necə ola bilər. Aylin hamilədir, yəni?" Gözləri əsəbdən qan çanağına dönmüş,ürəyi sürətlə çırpınmışdı.
Fısıldayaraq nəfəs alırdı.Saçını silərək hamamdan çıxan Aylin Səlimi görüb özünü itirdi. Hamam xalatından sinəsi göründüyü üçün yaxasını daha yaxşı bağlayaraq :
-Səlim,sənin burda nə işin var? - dedi. Səlimin əlindəki sənədi gördükdə isə az daha müvazinətini itirəcəkdi. Özünü ələ alaraq heç nə olmamış kimi yaxına gəlib sənədi Səlimin əlindən götürməyə çalışdı, - Sən mənim əşyalarımı hansı haqla qarışdırırsan? Ver onu mənə!!!-Səlim kağızı geri çəkərək Aylinin onu almasına icazə verməyərək əsəbi baxışlarını Aylinin simasında gəzdirdi.
-Demək, sənin ürəyin buna görə bulanırdı, buna görə boşanmaq istəyirdin ,hə? Mənə açıqca deyə bilərdin hər şeyi. Amma demədin, - dedi sakitcə. Sanki öz-özü ilə danışırdı. Aylin Səlimin bu fırtınadan öncəki səssizlik halını görüb