ölmüş və dəfn edilmişdilər. Yaşarın azcıq belə inamı yox idi ki, Bahar onun atasına Yaşar ilə evli qalmaq istədiyini deyəcək. İki gün ərzində Bahar ilə aralarında bir dialoq belə yaranmamışdı. Nəzərə alınsa ki, Yaşar evə gecə hamı yatdıqdan sonra gəlir və Bahara baş çəkdikdən ,yatdığı halda onun başını sığalladıqdan sonra qonaq otağında gecələyirdi, o zaman hansısa söhbətin yaranacağı kimi ümid də yox idi. Fateh ikisini də qonaq otağına çağıranda artıq axşam idi. Pəncərələrin pərdələri örtülmüş, evdəki işıqlar yandırılmışdı.Cütlük Fateh ilə üzbəüz divanda əyləşdilər. İkisi bundan öncə nə deyəcəkləri, nə edəcəkləri haqqında müzakirə etməmişdilər. Fateh bir xeylaq onları nəzərdən keçirib nəhayət, mətləbə keçmişdi.
-Çox uzatmayacağam. Sizə verdiyim bir həftənin bu gün tamamlandığını bilirsiniz və cavabınızı gözləyirəm.
Bahar gözlərini oynatdığı barmaqlarından çəkmədi, Yaşar isə atasının gözlərinin içinə çarəsiz baxırdı. Əslində hər ikisi cavabı Baharın verməsi lazım olduğunu bilirdilər. Aradan bir dəqiqə keçmək üzrə idi. Otaq sakitlik dəryasına batmışdı.
-Qızım, - Fateh üzünü Bahara tutdu.- Nə demək istəyirsən? Bilirsən ki, hər şey səndən asılıdır. Əgər bu evdən getmək istəsən və ya Yaşar ilə boşanmaq istəyirsənsə, biz heç bir etiraz etməyəcəyik.
Yaşar içindəki vulkanı sıxdığı yumruga yığmağa və partlamamağa çalışdı.
-Bu sənin haqqındır. Və ya Yaşar yenidən Türkiyəyə qayıda bilər və biz bu söhbətə bir il sonra qayıdarıq. - Fateh dayandı. Aradan keçən saniyələr ərzində heç kim ,heç nə deməmişdi. Fateh yenidən mövzuya qayıtmaq istəyilə dərin bir nəfəs aldı.
-Bax, qızım boşanmaq üçün işləri elə indi başlaya...
-Ata...- Yaşar elə yenicə oturduğu yerdən irəli gələrək nə isə demək və bununla atasına etiraz etmək qərarına gəlmişdi ki, Baharın səsi hamını susdurdu.
-Yox, mən nə boşanmaq istəyirəm, nə də Yaşarın harasa getməyini.
Yaşar kimi Fateh də bu ani bəyana təəccübləndi.Bahar əlləri kimi nəzərlərinin yerini dəyişdi və qayınatasının gözlərinin içinə