sinəni döyəcləyirdi.
-Mən də səhv edirəm. Mən də əzab çəkirəm. Nə istəyirsiniz axı məndən, nə? Əgər istəyirsənsə , o zaman boşanaq , istəmirsənsə ,boyun əyib səninlə, sənin şərtlərin ilə yaşamağa davam edirəm. Vallah bezmişəm, vallah. Dözə bilmirəm artıq.
Bahar qüruru kimi çökən səbrinə qarşı çıxa bilmədən əlləri ilə üzünü örtüb için-için ağlamağa başlayanda əsəbdən dişlərini bir-birinə sıxıb , hirsli nəzərlərini oğlundan çəkməyən Fateh yaxınlaşıb gəlinini çiyinlərindən qucaqladı və evə apardı.
Bahara dəfələrlə həmişə dəstək olacağını, qorxmadan öz qərarını özü verməsi lazım olduğunu desə də, Bahar boşanmaq istəmədiyində qərarlı idi. Yaşar özü istəsəydi razı olacaqdı, lakin belə bu onun üçün lazım deyildi . Fateh oğlu ilə bu barədə ciddi söhbət etdi. Yaşar da Bahar ilə boşanmayacağı fikrində qəti idi. Fateh bir müddət ikisini də rahat buraxmağı qərara aldı. Bir az oğluna şans vermək istəyirdi. Bilirdi , əlbətdə bilirdi ki, Yaşar üçün bu artıq idi, hatta lazımsız idi. Ona şans deyil cəza vermək gərək idi. Amma bir ata olaraq da , bir qayınata olaraq da bunun ən doğru yol olduğunu düşünürdü. Nə yalan deyəydi axı, o özü də bu evliliyin bitməsini istəmirdi. Yaşarın Baharı incitməsini istəməsə də , oğlunun ayrılıqdan sonra daha çox qəddarlaşacağını bilirdi. Üstəlik Yaşar bundan öncə də uğursuz izdivacın qurbanı olmuşdu. Bir daha eyni şeyləri yaşamasını istəməzdi.
Bir həftə ərzində Yaşar onu dindirmək istəməyən Bahar ilə danışmağa cəhd göstərmədi, lakin bu elə də uzun çəkmədi və bir gün dolabdan geyim seçərkən hamam otağından çıxan yoldaşını görüb əl saxladı. Nə isə demək çətin idi. Bahar onun üzünə belə baxmırdı. İlk olaraq duruxsunsa da sonra keçib güzgünün qarşısında oturdu və nəm saçlarını daramağa başladı.
-Bahar , -dedi Yaşar ,ondan cavab almayacağını bilsə də. - Bahar, əgər belə olacaqdısa, əgər bir evdə iki yad insan kimi yaşamağa qərar alacaqdıqsa ,niyə boşanmaq istəmədiyini dedin?
Bahar dinmədi. Gözləri güzgüdəki özünə dikilmiş, əllərindən biri