həyat yoldaşımı sevirəm. Etiraf edirəm ki,əvvəllər sevməmişəm. Atama əsəb də olurdum Aylinlə evləndirdiyi üçün. Amma indi o qədər şadam ki buna. Ümid edirəm,pis nəsə baş verməz. Belə xoşbəxtlik arada lap məni qorxudur.
-Oğlum,pis şeylər beyninə gətirmə. Əksinə,həmişə yaxşı düşün ki, yaxşı şeylər də olsun. Sənin xoşbəxtliyin məni çox sevindirir,oğlum...
***
Nigar otaqda oturub dizlərini qucaqlayaraq yığdığı çamadanına baxırdı. Getmək istədiyinə əmin deyildi. Bəlkə,heç getmək istəmirdi. Bircə bilirdi ki,bunu etməlidir. Samirin həyatını korlamamaq ,öz həyatında baş verənləri unutmasa da, qismən uzaqlaşmaq üçün bu ən yaxşı çıxış yolu idi. Əlindən başqa bir şey gəlmədiyi üçün ağlayırdı. Belə bir çıxılmaza düşdüyü üçün Əliyə qarğış yağdırıb ağlamağına son qoyaraq ayağa qalxdı. Güzgünün qarşısında dayanaraq gözlərinin yaşını silib "güclü qadın" obrazına büründü. Çətinliklə gülümsəyib:
-Hər şey yaxşı olacaq, Nigar,-dedi. Axşam 11 olmamış yerinə girib özünü yuxuya təslim etdi. Səhər saat 10:25-də Rusiyaya bilet almışdı. Hər şeydən uzaqlaşmaq üçün çıxıb gedəcək idi.

***
Səhər Aylinin doğum günü olacaq idi. Bunun şərəfinə də Səlim Aylinə xüsusi ad günü sürprizi etmək istəyirdi.Aylin şirin yuxusunda ikən Səlim onun pəncərəsi altına gələrək öz halına gülməyə başladı.
-Heç bir qüvvə mənə bu gitaranı əlimə aldıra bilməzdi. Sən nəyə qadirsənmiş sevgi, - deyərək qolunda olan saata baxdı. 12 olmasına hələ 4 dəqiqə var idi.Uzun zaman sonra gitarada ifa etmək Səlimi həyəcanlandırmağa bəs etmişdi. Bir dəfə Samir və Nigarın da olduğu yemək zamanı Nigar Aylinin gitarada ifa etməyi bacaran oğlanlardan xoşu gəldiyini demişdi. Hətta Nigar onu da demişdi ki, Aylin məktəb vaxtlarında hər kəsə gitara çalan oğlana ərə gedəcəyini deyibmiş. İndi də Səlim Aylinin arzusunu gerçəyə döndürməklə məşğul idi.Əvvəllər siqaret vərdişi olsa da,artıq bir il idi ki,tərgitmişdi. Amma indi bu 4 dəqiqə keçmək bilmədiyi üçün könlündən siqaret çəkmə istəyi keçsə də,dərhal da bu fikri beynindən bayıra