hissləri ilə oynamaq onluq deyildi. Sadəcə bir neçə dəfə həyatında münasibətləri olmuşdu,onlar isə ciddi şeylər olmamışdı. Nigarı ilk dəfə gördüyü vaxtdan unuda bilmirdi. Yavaş-yavaş bu qızda olan cazibəyə qapılan Samir onu ağlından çıxara bilmirdi. Nəhayət ki, yenidən qarşılaşmışdılar. Təəssüf ki,bu dəfə də onun sevdiyi oğlan peyda oldu. Amma həyatın işini bilmək mümkün deyil. Elə oyunlar oynadı ki,Samir və Nigar özlərini eyni oyunun içində tapdılar.Beləcə onların hekayəsi yazıldı,amma qarşılıqsız. Amma bu gün Samirin səbri qalibiyyətlə nəticələndi...
***
Səhər tezdən qapının zənginin səslənməsi ilə Ayla xanım ilə Kazım bəy ikisi də eyni anda saata baxdılar. İkisinin də yuxusuzluqdan gözləri şişmişdi. Ayla xanım bütün gecə ağladığı üçün gözləri daha şişkin idi. Kazım bəy isə illərdir siqaret çəkməməyinə rəğmən dünən iki qutu siqareti bir gecədə bitirmişdi. İkisi də qızlarını düşünürdülər. İndi də səhər tezdən çalan bu qapı zəngi ikisini də həyəcanlandırmışdı.
-Görəsən xeyirdirmi?-Ayla xanım kövrək səsi ilə dilləndi.
-İndi bilərik,-deyib Kazım bəy çarpayıdan qalxdı. Gecə əynini soyunmadığı üçün əynində paltarları var idi. Qapını açanda Səlimi görüb təlaşlandı.
-Səlim, oğlum, xeyirdirmi?
-Narahat olmayın,Kazım əmi, xeyirdir,-deməyi ilə Kazım bəy şükr etdi və Səlimi hələ də qapıda saxladığını görüb cəld qapıdan aralanıb ona yol verdi.
-Keç, oğul,keç. Mənim başım artıq işləmir. Sən Allah, fikir vermə.
Səlim içəri keçib qaynanası ilə də salamlaşdıqdan sonra divanda oturdu. Ayla xanım ilə Kazım bəy də oturub gözlərini Səlimin ağzına zillədilər.
- Mən Aylini xəstəxanadan çıxarmağa gedirəm,Kazım əmi. İstədim, öncə sizə xəbər verim,-deyib sakit tonda danışsa da,Kazım bəy özündən çıxdı.
-Sən dəli olmusan, Səlim. Aylinin vəziyyəti ortadadır. Müalicə alması şərtdir.
-Yox,mən razı deyiləm,-deyərək Səlim ilk dəfə qaynatasına səsini yüksəltdi.
-Bu uşaq oyuncağı deyil. Biz məgər Aylinin pisliyini istəyirik? Biz də onun sağlam olmağını istəyirik. Amma onu bu