q qızıma baxmağı qəbul etdiyin üçün təşəkkür edirəm sənə.Sən ideal ata olacaqsan. Yaxşı ki, səni tanıdım. Səndən bir xahiş edəcəm. Ölmək üzrə olan bir ananın son istəyi kimi düşün bunu.Xahiş edirəm Aylini tap və ona hər şeyi danış.Əmin ol ki, səni onun qədər heç kim sevməz.Sən də onun qədər heç kimi sevən deyilsən. Sağ qalsaydım, özüm sənlə onu axtarardım,amma ömrüm yetmədi. Onu sən tapmalısan. Onunla yenidən qovuşmasanız, mənim ruhum sakitlik tapan deyil...Aylinə yazdığım məktubu ona çatdır. Xahiş edirəm. Qızımıza yaxşı bax...
Günahkar Sara...
Səlim məktubu bağladı. Və yerinə qoydu. Demək olar ki, hər gün onu oxuyurdu. Sonra Sara ilə olan son söhbəti xatırladı.

-Səlim səndən son xahişim var,-Deyərək sancıdan üzünü turşutdu. Sancısı olsa da,uşaq hələ də gəlmirdi. Son dəfə nəfəsini dərdi.
- Yox,son demə,Sara. Sən ölən deyilsən.
-Səlim, yalvarıram,sözümü kəsmə. Güclə danışıram,- Atası qızımı istəmədi. Mən də onu tək qoyub gedirəm.O, həyatda tək-tənha,kimsəsiz qalacaq.O,mənim kimi deyil.Məsumdur.Onun hələ həyatda heç bir şeydən xəbəri yoxdur. Onun mənim kimi olmağına icazə vermə. Mən heç bir arzumu həyata keçirə bilmədim. Bütün arzularım ürəyimdə qaldı.Heç bir arzum yerinə yetmədi. Qızımı belə görməyəcəyimi deyib həkim. Mən yaşaya bilmədim, o, yaşasın.Yalvarıram,ona bax.. Ata kimi olmasa da, əmi kimi bax,- deyib ağlamağa başladı. Səlim onun bu halına dözə bilmirdi. Onun da gözündən yaş axdı.
-Sara,sən hər şeyi danışdın mənə. Buna görə sağ ol. Sənin etdiklərin üçün səni bağışlayıram. Sən də məni bağışla ,-dedi və Sara gözlərini yumub açaraq gülümsədi,- Qızın isə.. Daha doğrusu ,qızımıza çox yaxşı baxacam. Ona ən yaxşı ata olmağa çalışacam. Sən də sağ - salamat qayıdacaqsan, - deyib Saranın alnından öpərək onu qucaqladı...
Səlim Aylini xatırladı.. Əlində Saranın ölmədən öncə Aylinə yazdığı məktub var idi.. Amma onu heç cürə verə bilməmişdi.Səlim hesab edirdi ki,Aylin onu lazımsız yerə tərk edib. Ona qəzəbli olduğu üçün də onu axtarmaqdan əl çəkmişdi. Artıq