durmadı. Başını bəlaya salaraq ilk iki həftə içində bıçaqlandı. Bu yaradan sağ çıxsa da, növbəti dəfə asılaraq öldürüldü... Bununla da Nigarın qorxulu yuxusu olan Əli kabusu sona çatmış oldu.
Nigar Əli tərəfindən təcavüzə məruz qaldıqdan sonra Əlidən şikayət etmədi və bu Əli üçün əsl şans oldu. O, dinc dayanmadı. Nigarın təcavüzdən sonra Samirin ona tapdığı evə köçməyi də heç bir şeyi dəyişmədi. Əli Nigarı qarabaqara izləyib onun rahatlığını əlindən almışdı. Yeni köçdüyü evi də artıq tapmışdı. Bir gecə gizlincə Nigarın qaldığı evə girib ona yenidən sahib olmağa çalışdı. Amma bu dəfə Nigar onun əlindən qurtulub özünü küçəyə atdı və səsi çıxdığı qədər qışqırıb kömək çağırmağa başladı. Əli də qorxub qaçdı. O gündən sonra Nigar daha o evdə də qala bilmədi. Həyatı alt-üst olmuşdu. Samir bu çətin günlərdə Nigarı tək buraxmayıb yanında olurdu.Samir gəlib Nigara onunla bir evdə qalmağında təkid etsə də,Nigar buna əsla razı olmadı. Ona görə də Samir Nigara başqa ev tapdı. Yanında da köməkçi qadın qalmağa başladı. Həm ev işlərini görməkdə kömək idi, həm də Nigar daha tək olmurdu. Samir isə tez-tez Nigarın qapısı ağzında saxladığı maşında yuxulayırdı. Bütün gecə keşik çəkməklə məşğul olurdu. Nəsə olsa, köməyə çatmaq istəyirdi. Bu dəfə hadisəyə gec qalmamalı idi. Ondan sonra Əli Nigara zənglər etməyə başladı. Nigarın həyatı kabusdan fərqlənmirdi.Nişan olduqdan sonra isə hər şey daha da qəlizləşməyə başladı. Əli Nigara təhdid dolu məktublar yazmağa başladı. Məktublar işə keçməyəndə iş yerinə güllər, şirniyyatlar, hədiyyələr yolladı. Fikri isə özünü Nigara bağışlatmaq idi. Bütün bu olanlardan sonra Nigar Əlinin həbs olunması xəbərini eşitdi. Aylinin vəziyyətinin səbəbkarının Əli olduğunu biləndə şok keçirdi. İnana bilmirdi ki, ən yaxın rəfiqəsini bir zamanlar sevdiyini dediyi oğlan bıçaqlayıb. Əlini tanıya bilməyib ona dəyərli vaxtını verdiyi üçün,əsas da ki Samiri üzdüyü üçün çox peşiman idi.Amma artıq hər şey geridə qalmışdı. Nigar rahat nəfəs alırdı daha. Əli cəzasını