a Samir Nigarla bir az gəzmək istədi. Hava gözəl idi. Samirin kefi isə ondan da gözəl idi. Nigarın əlini tutaraq qarşısına keçdi.
-Nigar,mənə dünyaları bəxş etmisən. Səni elə çox sevirəm ki... Sən mənim üçün çox dəyərlisən...-Nigarın gözlərinə baxdı. Nigarın sevgisini qazanmaq üçün hər şey edirdi. Amma hələ də Nigar Samirə sevdiyini deməmişdi. Bəlli etməməyə çalışsa da,əslində,bu onu pərişan edirdi. Çünki Nigarın onu sevdiyini bilmək,eşitmək istəyirdi.
-Samir,mən anladım ki,mən də səni sevirəm,-Deyib utancaq nəzərlərini Samirə zillədi. Samir sözün şokunda ikən Nigar Samirin dodaqlarına kiçik bir busə qondurdu. Samir nə olduğunu anlamadan mat-mat Nigara baxanda Nigarı gülmək tutdu.
-Sən,doğrudan,məni sevirsən,yoxsa mənə yazığın gəldiyi üçün belə deyirsən?- Samir şübhəli nəzərlərlə Nigara baxdı.
-Samir,mən səni, doğrudan da, çox sevirəm,-deməyi ilə Samir Nigarı qucağına alaraq fırlatmağa başladı.
-Mən də... Mən də... Səni hər şeydən çox sevirəm. Məni sevdiyin üçün çox sağ ol,-Deyib Nigarı bərk-bərk qucaqladı...

***

Nişan mərasimindən bir həftə sonra Nigar Samirin iş yerinə gəldi. Birlikdə çıxıb ev üçün yeni mebellər alacaqdılar.Samir Nigarın otağını istədiyi kimi bəzəməyini istəyirdi. Bütün xərci Samir çəkəcəyi üçün Nigar etiraz edib: "Olduğu kimi daha yaxşıdır",-desə də,Samir özü mebeli dəyişmək istədiyini deyərək təkid etmişdi. Samir çalışırdı ki,hər şey Nigarın ürəyincə olsun. Nigar daha çox etiraz etməyib razı olmuşdu. Samir özü Nigarı evdən götürəcəyini desə də, Nigar tez çıxaraq Samiri görməyə özü gəlmişdi. Samirin otağına gedən dəhlizin sağında Səlimin otağı yerləşirdi.Səs-küy eşidib açıq qapıdan boylandığı zaman Səlimi otağında bir qadın ilə mübahisə etdiyini gördü. Qadın ona tanış gəldiyi üçün daha diqqətlə baxmaq istəyəndə qadın çevrildi və qapıdan çıxanda Nigar özünü itirdi. Bu ki Əlinin onu aldatdığı həmin qadın idi.
-Sənin burda nə işin var, - deyib onun üstünə yeriyəndə Sara özünü itirdi.
-Siz kimsiniz? - özünü o yerə qoymadı.Nigarı