Dəridə istənilən yara və ya kəsikləri, xüsusən də söhbət uşaqlardan gedirsə, nəzarətsiz qoymaq olmaq.

Uşaqlarda dərinin hətta kiçik zədələnməsi belə, ağır irinli prosesin, həmçinin tetanusun inkişaf etməsinə də səbəb ola bilər!

Tetanus – sinir sistemini zədələyən infeksion xəstəlikdir. Onu Clostridium tetani bakteriyası törədir. Bu xəstəliyin simptomları – baş ağrıları, əsəbilik, bədən əzələlərinin spazmı, qıcolmalar, tənəffüsün dayanması. Belə xəstəyə vaxtında təcili tibbi yardım göstərilməzsə, o, həlak ola bilər. Tetanusun ən yaxşı profilaktikası – vaksinasiyadır. Bundan əlavə istənilən, hətta ən kiçik yara və ya cızılma sahəsi əsaslı şəkildə diqqətlə işlənməlidir. Vaxtında peyvənd olunmuş uşaqlara, adətən, əlavə profilaktika tələb olunmur. Lakin hər halda zədə almış uşaq həkimin müayinəsindən keçməlidir və məhz həkim tetanus əleyhinə xüsusi zərdabın bu uşağa vurulub-vurulmaması ilə bağlı məsələləri həll etməlidir!

Peyvənd almayan uşaqlara həkimin təyinatına əsasən tetanus əleyhinə zərdab vurulur. Diqqət! Zərdab xüsusi sxem üzrə və hazırlıqlı tibb personalı tərəfindən vurulmalıdır!

Tetanus yalnız uşaqlarda deyil, böyüklərdə də inkişaf edə bilər. Bu xüsusən, dəri dərin şəkildə kəsildikdə, deşildikdə (məsələn, ülgüc, mıx və s. ilə), yara torpaq, heyvan peyini ilə çirkləndikdə baş verir. Məhz buna görə, belə hallar baş verdikdə, tez bir zamanda tibb müəssisəsinə müraciət etmək lazımdır. Həkim xəstəni müayinə edib onun yarasının ilkin cərrahi işlənməsini yerinə yetirdikdən sonra lazımi halda zərdab təyin edir.

Həm uşaqlarda, həm də böyüklərdə həkimə qədərki ilk tibbi yardım məqsədi ilə cızılmış, kəsilmiş, deşilmiş kiçik yaraları ilk növbədə təmiz su ilə yaxşı-yaxşı yumaq, daha sonra hidroqen peroksid məhlulu ilə təmizləmək lazımdır: məhlulu tökərkən əmələ gələn köpüklər yaradakı torpaq və digər çirklənmə hissəciklərini yaradan xaric edir. Daha sonra təmizlənmiş yaranı antiseptik məhlulla (yod, brilyant yaşılı -“zelyonka”) silmək və üzərinə təmiz quru