olma ehtimalı çox azdır.
-Amma var. Ona görə də dərhal keç hamama və yoxla,- Deyib divanda oturan Aylini məcburi qolundan tutaraq hamama doğru çəkişdirdi.Aylin etiraz etsə də, Bənövşənin təkidi nəticəsində o da şübhələnməyə başlamışdı. Hamama keçib testi açdı."Bu ola bilərmi?"-güzgüdəki solğun əksinə baxaraq gülümsədi. İçinə doğan ümid işartıları yenidən həyata tutunmaq üçün çapalayırdı. Testi yoxlamağa başladı. Test iki xətti göstərəndə sevincdən qışqırmağa başladı.
-Bənövşə,-Deyib hamamdan çıxdı və əlində tutduğu testi Bənövşəyə göstərdi,-hamiləyəm. Allahım,sənə şükürlər olsun.
-Təbrik edirəm, canım mənim. Çox sevindim,-Deyərək Aylini möhkəmcə qucaqlayıb sevincdən dolan gözlərini sildi.
Aylinin gülüşü bu xəbər sayəsində üzünə geri qayıtmışdı. Bu onun üçün əsl sürpriz olmuşdu. Kiçik bir can yenidən onun bədənində yaşamağa başlamış və ona da yeni can bəxş etmişdi. Qardaşı və Bənövşə nə qədər təkid etsələr də,Aylin Səlimə heç nə demək istəmir,uşağı tək böyüdəcəyində inad edirdi. Səlimə isə boşanma davası açmışdı.Amma Səlim heç də boşanmaq kimi bir niyyətdə deyildi. Anlaşmalı bir boşanma olmadığı üçün boşanma müddəti uzanmışdı.Amma Aylin də fikrindən daşınmırdı,ona görə də son məhkəmədə məhkəmə onları boşama qərarı çıxarmışdı.
-Aylin,sən səhv edirsən. Bu cür yaşaya bilməzsən. Sən Səlimi sevirsən. Körpəniz olacaq. Sən necə belə davrana bilərsən?-Tez-tez evlərində Zahir bu cür söhbətlər etsə də,Aylin sadəcə ağlayırdı. Başqa əlindən heç nə gəlmədiyini deyərək öz otağına çəkilib səssizcə ağlayırdı. Aylar keçirdi. Aylin bətnində sevdiyi adamın parçasını daşıdığı üçün çox xoşbəxt idi. Bir yandan nisgilli olsa da, nə vaxtsa Səlimə həqiqəti deyəcəyini düşünüb sevinirdi. Sadəcə o an özünü hazır hiss edə bilmirdi.9 ayını tamam etdikdən sonra körpəsini qucağına almağın sevincini də yaşadı. Ən böyük sevinci qızı oldu. Səlimin ən sevdiyi adı da ona qoydu. "Dəniz".

-Aylin,sabah Dənizin 1 yaşı tamam olur. Atasının onun varlığından xəbər tutmağa haqqı yoxdur,səncə? Sən