Prostatit – prostat vəzinin iltihabi xəstəliyidir. Patologiya tez-tez sidiyə getmə, sidikdə qan və irin qarışığı, penis, xayalıq, düz bağırsaqda ağrı, seksual pozğunluqlar (ereksiyanın pozulması, erkən eyakulyasiya və s.), bəzən sidiyin ləngiməsi ilə təzahür edir. Prostatitin diaqnozu uroloq və ya androloq tərəfindən tipik klinik şəkil və rektal müayinənin nəticələrinə əsasən qoyulur. Əlavə olaraq, prostat vəzinin USM, prostat vəzinin sekreti və sidiyin bakterioloji əkilməsi icra olunur. Müalicə konservativ yolla aparılır – antibakterial terapiya, immunoterapiya, prostat vəzinin masajı, həyat tərzinin korreksiyası.

Prostatit barədə ümumi məlumat
Prostatit kişilərin sidik-cinsiyyət sisteminin ən geniş yayılmış xəstəliyidir. Adətən 25-50 yaşlı pasiyentlərdə müşahidə edilir. Müxtəlif məlumatlara əsasən yaşı 30-dan yuxarı olan kişilərin 30-85%-i prostatitdən əziyyət çəkir. Prostatit vəzinin absesi, xaya və artımların iltihabı ilə ağırlaşa bilər, bu da son nəticədə sonsuzluğa gətirib çıxarır. İnfeksiyanın qalxan yolla yayılması sidik-cinsiyyət sisteminin yuxarı şöbələrinin iltihabına (sistit, pielonefrit) səbəb olur.

Patologiya infeksion agentin sidik-cinsiyyət sistemi orqanlarından və ya uzaq iltihabi ocaqdan (pnevmoniya, qrip, angina, furunkulyoz zamanı) prostat vəziyə daxil olması nəticəsində baş verir. Xəstəliyin inkişaf ehtimalını yüksəldən bir sıra amillər mövcuddur.

Prostatitin yaranma səbəbləri
Prostatitin səbəbləri
Kəskin proseslərdə infeksion agent qismində qızılı stafilokokk (Staphylococcus aureus), enterokokk (Enterococcus), enterobakter (Enterobacter), göy-yaşıl irin çöpləri (Pseudomonas), protey (Proteus), кlebsiella (Klebsiella) və bağırsaq çöpləri (E. Coli) iştirak edir. Mikroorqanizmlərin əksəriyyəti şərti-patogen floraya aid olub, yalnız müəyyən şəraitlərdə prostatit törədir. Xroniki iltihaba adətən polimikrob assosiasiyaları səbəb olur. Soyuqlama, anamnezdə spesifik infeksiyalar və prostat toxumasında durğunluq halları ilə müşayiət olunan