Hərdən hüznlü gecələrə açar kirpiklərini könlüm..Qəm vurğunu nəqarətlər solub dodaqlarımda..
Həsrətlərin qucağında qalmışam..
Ağlım səndə, əlim ürəyimdə qaldı.. İçimdəki hüznü izah etmək istəyirəm gecəyə, ürəyimi açıb tökmək istəyirəm..
Necə izah etsəm də, sözlərə sığmaz..Yorgunluğumu, yalnızlığımı..
Gözlərimi gecəyə çevirdim gedirəm..Başım dikdir, amma yalnızlığımın əks olunub qaranlığa.. Küləyi geyinib gecə..
Mən adsız bir sevdalı çiçəyəm ürəyində.. Adını gül yarpaqlarına yazıram, hər damlası atəş olan gözyaşlarımla..Müəllimimdən yadigar ətrimi tellərinə vururam..
Duyğularım coşur, sevdanı duyur, notada səni düşünürəm, bəstələrimə bağlısan sən..Qəm vurğunu nəqarətlər solub dodaqlarımda.. Hüzn nəğmələrlə həsrətdən oxunur..
Qoy gəlsin qaranlıqlar üzərimə.. Bu gülüşlərimlə səni aparıram inadla gecələrə..Unutsun Leyli Məcnunu, Yusif Züleyhanı..
Elə sev ki, məni sevgini axtaranlar bizdə tanısın sevgini..Dildən-dilə düşsün, həmişə bizi ansınlar..Niyə dayanırsan.. Səni səndən alan yalan sevgiləri unut.. Unut yarım qalanları.. Bir ulduz olsun gözlərin səmalarımda, göz qırp mənə, küskünlüyümü unudum..
Çərçivələrdəki şirin gülüşlərini ver mənə..
Sənə səslənirəm ey yar..
Sən də yadına sal məni..
Susqun bir gül kimi ürəyimə düş, sevindir məni.. Gözlərimdən axan yaşlara vurul.. Gül sükutundakı dillərimdən söyləyə bilmədiklərimi eşit.. Yanıma gəl sevgilim.. Səsini yaz ürəyimə.. Gerçəklər məni öldürərkən, röyalarıma gəl..
Gül mövsümümə gəl..
Dərdli bir sevdalıyam mən dərman axtaran..
Dərdim də sənsən, dərmanım da..