. Konyunktivitin klinik şəkli iltihabın formasından asılıdır.

Difterik tipdə göz qapaqlarının ifadəli ödemi və qalınlaşması ilə əlaqədar xəstə gözünü aça bilmir. İlkin əlamətlərin yaranma anından 2-4 gün keçdikdən sonra göz qapaqları yumşalır. Selikli-irinli ifrazatlar əmələ gəlir. Göz yarığını araladıqda qığırdaq və keçid büküşlərində boz təbəqəyə rast gəlinir. Ağır hallarda ərp hətta orbital konyunktiva və göz qapaqlarının dərisində nəzərə çarpır. Fibrinoz təbəqə ətraf toxumalara bərk yapışdığından onu təmizləməyə cəhd göstərdikdə qanaxma baş verir. Patologiya çapıqlarla nəticələnir.

Krupoz iltihabda ərp palpebral konyunktivada yaranır və keçid büküşü ilə sərhədlənir. Fibrinoq təbəqə nazik və boz rəngli olur. Ərpi aradan qaldırdıqda onun yerində azacıq qanayan defekt formalaşır. Göz almasının səthi intakt qalır.

Kataral formada fibrinoz ərp müşahidə olunmur. Selikli qişa ödemli və hiperemiyalı olur. Pasiyentlər gözlərin qızarmasından və şişkinlikdən şikayət edirlər. Ümumi vəziyyət pozulmur.

Difteriya mənşəli konyunktivitin ağırlaşmaları
Difteraiya mənşəli konyunktivit təhlükəli ağırlaşmalara gətirib çıxara bilər. Əksər xəstələrdə orbital və palpebral konyuntiva arasında patoloji bitişmələrə (simblefaron) təsadüf olunur. Konyunktivitin digər fəsadı entropiondur. Kirpiklərin anomal inkişafı konyunktiva və buynuz qişanın daimi qıcıqlanmasına səbəb olur. Patologiyanın ciddi ağırlaşmalarından biri buynuz qişanın yüksək perforasiya riski ilə müşayiət olunan xoradır. İnfeksiya gözün dərin toxumalarına yayıldıqda panoftalmit inkişaf edir.

Difteriya mənşəli konyunktivitin diaqnostikası
İlkin diaqnoz epidemioloji məlumatlara (14 gün müddətində difteriya xəstəsi və ya bakteriyadaşıyıcı ilə kontakt), qanın biokimyəvi analizinin nəticələrinə və konyunktivada fibrinoz ərpin aşkarlanmasına əsasən qoyulur. Periferik qanda leykositoz, neytrofilyoz, leykositar formulanın sola meylliyi və EÇS-nin yüksəlməsi izlənilir. Spesifik müayinə üsullarına aşağıdakılar