yüksək olur, bu da bədənlə müqayisədə üz nahiyəsində epidermis hüceyrələrinin yenilənmə siklinin qısa olması ilə əlaqədardır. Ketoşəkər tərkibli preparatlar tamamilə təhlükəsizdir, onlar hüceyrələrdə dəyişiklik yaratmır, piqmentlərin əmələ gəlməsinə səbəb olmur və qana sorulmur.

«Avtoqaralma» vasitələrini sabunla yuyunmadan sonra dəriyə çəkmək məsləhət deyil. Belə hallarda dərinin zəif qələvi reaksiyası qeyri-təbii sarı rəngin yaranmasına səbəb olur. Avtoqaralmanın keyfiyyətini artırmaq üçün tonuslandırıcı və nəmləndirici preparatlarla dərinin normal turşu-qələvi balansını təmin etmək və ya pH indeksi yüksək olan vasitələrin (hidroksi turşular, azelain turşusu və s.) köməyilə dərinin turş reaksiyasına nail olmaq lazımdır.

Dəridə avtoqaralmanın qeyri-bərabər paylanması xarici görünüşü korlayır. Bu, dərinin müxtəlif nahiyələrində buynuz qatın qalınlığının eyni olmaması və ya preparatım düzgün çəkilməməsi ilə bağlı olur. Buynuz qatın artıq hissəsini hamarlaşdırmaq məqsədilə keratolitik və keratoplastik təsirli vasitələr (salisil, benzoy, azelain, süd turşuları və s.), skrablardan istifadə edilir. Dərini süni yolla rəngləyən vasitələrin tərkibinə silikon törəmələrini daxil etməklə avtoqaralmanın bərabər paylanmasına nail olmaq mümkündür. Rəngləyicilərin tətbiqindən 1-2 həftə əvvəl dəri ev şəraitində və kosmetik salonda prosedura hazırlanmalıdır.


Karotinlə zəngin qida məhsullarının (məsələn, portağal və kok) qəbulu dərinin süni qaralmasına səbəb olur. Karotin həmçinin bioloji aktiv əlavələrin (məsələn, «Okselio») tərkibinə daxildir.

Son söz
Dərinin fotoyaşlanmasını müalicə etmək lazımdır və mümkündür. Təbii qocalmada olduğu kimi fotoyaşlanma zamanı dərinin əvvəlki vəziyyətini qaytarmaq çox çətindir. Lakin, aparılan kompleks tədbirlər dərinin təbii xüsusiyyətlərinin bərpa olunmasına kömək edir.

Tibb elmi dərinin fotoyaşlanma mexanizmlərini öyrənməklə bərabər onun qarşısının alınma və müalicəsi üsullarının axtarışlarına davam edir. Qısa zaman ərzində