n əlamətlər premenopauza dövrünü və postmenopauzanın 1-2 ilini əhatə edir. Vazomator və psixoemosional əlamətləri olan qadınlar çox zaman hipertoniya və ürəyin işemik xəstəliyi ilə bağlı terapevtə, nevroz və ya depressiv vəziyyətərlə əlaqədar psixonevroloqa müraciət edirlər.

Menopauzal pozğunluqların orta mərhələdə yaranan əlamətləri aşağıdakılardan ibarətdir:

Urogenital əlamətlər – uşaqlıq yolunun quruluğu, ağrılı cinsi əlaqə, göynəmə, qaşınma, dizuriya (sidik ifrazının tezləşməsi, sidik qaçırma);
Dəri və onun artımlarının əlamətləri- qırışlar, dırnaqların sınması, saç və dərinin quruluğu, saçların tökülməsi.
Klimaks zamanı orta mərhələdə yaranan əlamətlərə menopauzadan 2-5 il sonra rast gəlinir, bu simptomlar dəri və urogenital traktın atrofik dəyişiklikləri ilə xarakterizə olunur. Adətən klimkas dövründə urogenital və dəri əlamətlərinin simptomatik müalicəsi gözlənilən nəticəni vermir.

Menopauzal pozğunluqların gec mərhələdə yaranan əlamətləri aşağıdakılardır:

Klimaks zamanı gec mərhələdə yaranan əlamətlər menopauzanın başlanmasından 5-10 il sonra izlənilir. Klimaks dövründə cinsi hormonların çatışmazlığı sümük toxumasının quruluşunun və lipid mübadiləsinin pozulmasına (osteoporoz və ateroskleroza) gətirib çıxardır.

Klimaksın əlamətləri
Klimaksın əlamətləri
Menopauzal sindromun inkişafı və gedişinin ağırlığı hormonal, mühit, irsi amillərdən, klimaks dövrü ərəfəsində qadının ümumi vəziyyətindən asılıdır. Klimaksın patoloji gedişi zamanı vegetodamar (vazomotor) əlamətlər 80% qadınlarda qeyd olunur. Onlar baş, üz, boyun, döş qəfəsinin dərisinin kapilyarlarının genişlənməsi, lokal dəri hərarətinin 2-5°С, bədən temperaturunun isə 0,5-1°С yüksəlməsi ilə müşayiət olunan qəfil «istilik gəlməsi» hissiyyatı ilə xarakterizə olunur.

«İstilik gəlməsi» zamanı hiperemiya, tərləmə, taxikardiya izlənilir. Bu hal 3-5 dəqiqə davam edərək, gün ərzində 1-20 dəfə təkrarlanır, gecə vaxtlarında güclənməklə yuxu pozğunluğuna səbəb olur. Klimaks zamanı vazomotor