l abortun müalicəsi
Hamiləliyin qanunsuz yolla pozulması zamanı xəstə təcili surətdə hospitalizasiya olunmalıdır. Həkim taktikası yaranmış ağırlaşmaların aradan qaldırılmasına yönəldilir. Terapevtik tədbirlər uşaqlıq və qarındaxili qanaxmalar, reproduktiv orqanların iltihabi xəstəlikləri, septiki vəziyyət, peritonit, emboliyanın müalicə protokollarına əsasən həyata keçirilir. Kriminal abortun ağırlaşmalarının konservativ terapiyası aşağıdakı qrup prepartların təyinindən ibarətdir:

Antibiotiklər. Antibakterial terapiya infeksion-iltihabi proseslərin törədiciləri ilə mübarizəyə kömək edir. İmkan daxilində preparatların seçimində mikrorqanizmlərin həssaslığı nəzərə alınır. Dərman vasitələrinin parenteral yolla yeridilməsi ilə disbakteriozun profilkatikasının müştərək şəkildə aparılmasına üstünük verilir.
Hemostatiklər. Qanın laxtalanma sisteminin pozulması nəticəsində yaranan davamlı hemorragiyalar zamnaı pandayandırıcı preparatlar göstəriş hesab olunur. Həm yerli, həm də sistemli şəkildə istifadə olunur. Hemostazın müxtəlif zəncirlərinə təsir edən koaqulyantlar qanın laxtalanmasını artıraraq, qanaxmanın dayanmasına səbəb olur.
İnfuzion məhlullar. Koloid və kristalloid tərkibli məhlulların istifadəsi sirkulyasiya edən qanın həcminin və onun reoloji xüsusiyyətlərinin bərpasını, orqanizmin qidalanmasını və sürətli detoksikasiyasını (medikamentoz zəhərlənmələrdə bu xüsusiyyət çox vacibdir) təmin edir. Abortun çox ağır nəticələri zamanı hemosorbsiya, hemodializ icra olunur.
Kardiotonik preparatlar, hepatoprotektorlar, diuretiklər, antioksidantlar, antiaqreqantlar və digər dərman vasitələrinin təyini ilə aparılan intensiv simptomatik terapiya hamiləliyin kriminal yolla dayandırılması üçün xarakterik olan poliorqan dəyişikliklərinin korreksiyasına yönəldilmişdir. Konservativ terapiyanın heç bir nəticə vermədiyi hallarda əməliyyat göstəriş hesab olunur.


Cərrahi müdaxilənin həcmi aşkar olunan patologiyadan asılıdır. Endometrium, döl və onun qişalarının