Kriminal abort — qadının razılığı ilə hamiləliyin süni yolla dayandırılması olub, onun aparılma üsulu və hamiləlik müddətinə görə cinayət məcəlləsi nəzərdə tutulur. Qanunsuz abortun ağırlaşmaları halsızlıq, başgicəllənmə, huşun pozulması, selikli-irinli və qanlı vaginal ifrazat, qarnın aşağı hissəsində ağrı, hipertermiya, artan intoksikasiya və poliorqan çatışmazlığı ilə təzahür edə bilər. Kriminal abort vaginal güzgülərlə aparılan ginekoloji müayinə, bimanual palpasiya, kiçik çanaq orqanlarının USM vasitəsilə aşkarlanır. Ağırlaşmaların müalicəsi üçün antibiotiklər, hemostatiklər, infuzion terapiya, geniş spektrli cərrahi üsullardan istifadə olunur.

Kriminal abort barədə ümumi məlumat
Kriminal (qeyri-leqal, qanunsuz, cinayət) abort qadının özü və ya onun razılığı ilə müvafiq tibbi təhsili olmayan şəxs tərəfindən hamiləliyin dayandırılmasıdır. Bir qayda olaraq, belə müdaxilələr müalicə müəssisələrindən kənarda həyata keçirilir. Mama-ginekoloq tərəfindən ixtisaslaşdırılmış tibb müəssisələrinin hüdudlarından kənarda və ya tibbi və yaxud sosial göstəriş olmadan hestasiyanın 12-ci həftəsindən sonra aparılan abortlar da kriminal sayılır. Dünyada abort problemləri ilə məşğul olan Quttmaxer İnstitutunun (ABŞ) ekspertlərinin məlumatlarına əsasən hər il 20 milyondan çox hamiləlik qanunsuz yolla dayandırılır, ağırlaşmalar nəticəsində təxminən 70 000 qadın dünyasını dəyişir. Ən yüksək göstəricilər inkişaf etmiş ölkələrdə qeydə alınmışdır.

Kriminal abortun səbəbləri
Kriminal abortun səbəbləri
Qadınlar tərəfindən hamiləliyin qanunsuz yolla pozulması sosial amillərlə: təhsil və mədəni səviyyə, sosial mənsubiyyət, arzuolunmaz hamiləliklərə cəmiyyətin münasibəti, hüquqi tənzimlənmənin prisipləri ilə əlaqədardır. Kriminal abortların ən geniş yayılmış səbəbləri aşağıdakılardır:


Hamiləliyin gizlədilməsi. Tibb müəssisələrində kənarda hamiləliyin pozulmasına əsasən yeniyetmələr cəhd göstərir, çünki tibbi abortun aparılması üçün valideynlərin razılığı tələb olunur. Sirrin