Opsomenoreya – aybaşı tsiklinin uzanaraq, 35 gündən çox davam etməsi ilə xarakterizə olunur. Tsiklik xarakter daşıyır, aybaşılar 3 aydan çox keçmədən təkrarlanır. Aybaşı həm hipooliqomenoreya, həm də hipermenoreya formasında gedə bilər. Opsomenoreyalı qadınlarda hamiləliyin baş tutma ehtimalı az olur. Diaqnoz standart ginekoloji baxış, kiçik çanaq orqanlarının USM, qanın hormonal müayinəsi, kolpositologiyanın nəticələrinə əsasən qoyulur. Göstərişlərə əsasən diaqnostik qaşınma aparıla bilər. Opsomenoreyanın müalicə taktikası aybaşı tsiklinin pozulma səbəbləri nəzərə alınmaqla müəyyən edilir; aparıcı rol hormonoterapiyaya məxsusdur.

Opsomenoreya barədə ümumi məlumat
Opsomenoreya (bradimenoreya) – aybaşıarası intervalın 36 gündən 3 aya qədər artması ilə xarakterizə olunur. Normada bu interval 21-35 gün davam edir. Oliqomenoreya, hipomenoreya, spaniomenoreya ilə yanaşı hipomenstrual sindromun formalarına aid edilir. Opsomenoreya birincili (anadangəlmə) və ya ikincili (qazanılmış) xarakter daşıyır. Birincili forma aybaşı funksiyasının başlanmasından qeyd olunur. İkinicili forma isə normal aybaşı ritmindən sonra izlənilir. Aybaşı tsiklinin digər pozğunluqları kimi opsomenoreya da reproduktiv funksiyaya neqativ təsir göstərir, bu da ilk növbədə tsiklin fazalarının pozulması, ovulyasiyanın natamamlığı və ya olmaması ilə əlaqədardır.

Opsomenoreyanın yaranma səbəbləri
Opsomenoreyanın səbəbləri
Birincili opsomenoreya cinsiyyət orqanlarının inkişaf qüsurları, cinci inkişafın ləngiməsi, ümumi və genital infantilizm, pubertat dövrdə asteniya nəticəsində formalaşır. Adətən belə hallarda menarxe gec başlayır, sonralar isə aybaşı ritmi seyrəkləşir. İkincili opsomenoreyanın inkişafına aybaşı funksiyaya mənfi təsir göstərən müxtəlif qazanılmış patoloji vəziyyətlər səbəb olur. Bunlara alimentar distrofiya, psixoemonosional travma, ağır fiziki iş, güclü intoksikasiya aiddir. Aybaşı ritminin opsomenoreya tipli pozulması cərrahi əməliyyatlar – abort, diaqnostik qaşıma,