streptokokklar üstünlük təşkil edir. Parametriumun infeksiyalaşması uşaqlıq boynunun doğuşdan sonra yaranan, lakin aşkar olunmayan və tikilməyən cırılmalarından; ağırlaşmış və xəstəxanadan xaric abortlar, uşaqlıq boynunda əməliyyatlar zamanı servikal kanaldan baş verə bilər.

İnfeksiyanın uşaqlıq artımlarından (adneksitlərdə) və ya uşaqlıq boşluğundan (uşaqlıq divarının zədələnməsi ilə ağırlaşan endometrit, metrotromboflebit, diaqnostik qaşıma, UDS-in yeridilməsi zamanı) limfogen yolla yayılması mümkündür. Bəzən perimetrit bakterial ekstragenital proseslər fonunda – çanaq sümüklərinin osteomieliti, paraproktit, sistit, appendisit, angina, vərəm, qarın yatalağı və s. zamanı törədicinin qanla yayılması nəticəsində inkişaf edir.

Parametritlərin təsnifatı
Uşaqlıqətrafı toxumanın iltihabının topoqrafiyasına görə ön, arxa və yan perimetritlər ayırd edilir. Ön perimetrit zamanı infiltrat uşaqlığın önündə yerləşərək, uşaqlıq yolunun ön tağının hamarlaşmasına səbəb olur; çox zaman prosesə sidik kisəsi önü toxuma, ön qarın divarı da cəlb olunur. Arxa parametritlərdə iltihab düz bağırsaq-uşaqlıq sahəsinə yayılır; pararektal toxumanın infiltrasiyası düz bağırsağın mənfəzinin daralmasına gətirib çıxara bilər. Yan perimetrit zamanı iltihab yuxarıdan enli bağ, aşağıdan kardinal bağlar, öndən kiçik çanağın divarları ilə məhdudlaşır; infiltrat uşaqlığın yan tərəfində yerləşir və uşaqlıq yolunun yan tağlarını hamarlaşdırır.

Patogenezə əsasən birincili və genital və ya ekstragenital iltihabın ağırlaşması olan ikincili perimetritlər qeyd olunur. Parametritin klinik gedişi kəskin, yarımkəskin və ya xroniki olur.

Parametritin inkişaf mərhələləri 4 qrupa bölünür: infiltrativ, ekssudativ, sərtləşmə və ekssudatın sorulması. İlfiltrasiya mərhələsi damarların genişlənməsi və hissəvi tromblaşması, perivaskulyar ödemin inkişafı ilə xarakterizə edilir. Ekssudativ dəyişikliklər mərhələsində damar məcrasından leykositlər və qanın digər elementləri parametral toxumaya keçir;