; infiltratın çanaq divarlarına qədər diffuz, yelpikvarı yayılması müşahidə olunur. Bərkimə fazasında ekssudatdan fibrinin ayrılması nəticəsində infiltratın orqanizasiyası; ilfiltratı sağlam toxumalardan ayıran qranulyasion valın formalaşması baş verir. İnfiltratın sorulması qənaətbəxş hal hesab olunur. Eksudatın irinləməsi zamanı boşluqlu orqanlara (sidik kisəsi, düz bağırsaq, uşaqlıq yolu) və ya qarnın ön divarından xaricə açıla bilən abses əmələ gəlir. İrinciyin tam təmizlənmədiyi hallarda iltihab residivləşərək yenidən qonşu orqanlara açılır, fistulalar formalaşır.

Parametritin əlamətləri
Parametritin əlamətləri
Adətən kəskin parametritin klinikası doğuşdan, hamiləliyin cərrahi yolla dayandırılmasından, uşaqlıqdaxili müdaxilələrdən, ginekoloji əməliyyatlardan 7-10 gün sonra təzahür edir. Parametritin ilk və erkən əlamətlərinə febrilitet (hərarətin 38-39 °С–yə qədər yüksəlməsi), qarında daimi, deşici və ya kəsici xarakterli ağrılar aiddir. Ağrı hissi oma və bel nahiyəsinə irradiasiya edir. Parametriumun irinləməsi zamanı xəstənin ümumi vəziyyəti pisləşir: hərarət daha da yüksələrək, hektik xarakter alır; taxikardiya, titrətmə, yanğı hissi, baş ağrıları qeyd olunur.

Sidik kisəsi və düz bağırsağın iltihabi prosesə qoşulması zamanı sistit və ya tenezmlərlə müşayiət olunan proktit əlamətləri izlənilir. Parametritin bel-qalça əzələsinə yayıldığı hallarda onun iltihabı –zədələnmiş tərəfdə budun tipik bükücü kontrakturası ilə xarakterizə olunan psoit inkişaf edir. Xroniki parametrit zamanı ağrının intensivliyi azalır, yalnız cinsi əlaqə zamanı güclənir; ürək-damar və sinir sisteminin funksional dəyişiklikləri, aybaşı funksiyasının pozğunluqları qeyd oluna bilər.

Parametritin diaqnostikası
Diaqnoz anamnestik məlumatlar, ginekoloji müayinələr (vaginal və rektovaginal), USM əsasında qoyulur. Vaginal müayinədə kəskin ağrılı parametrium, uşaqlıq yolunun tağlarının qısalması, uşaqlığın yuxarı və ya sağlam tərəfə yerdəyişməsi, hərəkətsiz sərt infiltratla vahid