, periton cəlb olunur. İnfeksiyanın limfogen və ya hematogen yolla yayılması istisna edilmir, xlamidioz ocaqlarının digər orqan və toxumalarda (oynaqlar, konyunktiva və s.) aşkarlanması bunu sübut edir. Çox vaxt xlamidiya CYKİ-nin digər törədiciləri (trixomonad, qonokokk, solğun treponema, genital herpes virusu və s.) ilə assosiasiya olunur, bu da xəstəliyin gedişini ağırlaşdırır.

Qadınlarda xlamidiozun təsnifatı
Xəstəliyin klinik formalarının sistemləşdirilməsi zamanı yoluxma müddəti, əlamətlərin ifadəliliyi və prosesə müxtəlif orqanların qoşulması nəzərə alınır. Xəstəliyin davametmə müddəti və gediş xüsusiyyətləndən asılı olaraq ginekologiya sahəsinin mütəxəsisləri qadınlarda xlamidiozun aşağıdakı formalarını ayırd edir:

Təzə. Yoluxma müddətindən 2 aydan az vaxt keçmişdir. Əsasən urogenital traktın aşağı şöbələri (servikal kanal, uşaqlıq yolu, uretra) zədələnir.
Xroniki. Xəstəlik 2 aydan çox davam edir, simptomsuz və ya residivləşən gediş, iltihabın çanaq orqanlarına yayılması ilə xarakterizə olunur.
İnfeksion prosesin yayılma topoqrafiyasına əsasən aşağıdakı formalar irəli sürülmüşdür:

Urogenital orqanların lokal zədələnməsi: endoservisit, uretrit, kolpit, bartolinit.
İnfeksiyanın qalxan yolla yayılması: endometrit, salpingit, adneksit, pelvioperitonit, perihepatit, peritonit.
Ekstragenital zədələnmə: faringit, konyunktivit, anorektal nahiyənin iltihabı, artrit və s.
Qadınlarda xlamidiozun əlamətləri
Qadınlarda xlamidiozun əlamətləri
İnfeksiya əlamətlərinin izlənilmədiyi inkubasion dövrün müddəti 5-35 gün (orta hesabla 3 həftə) təşkil edir. Pasiyentlərin 60%-də simptomsuz gediş qeydə alınır. Təzə xlamidioz zamanı vulva və uşaqlıq yolu nahiyəsində diskomfort, göynəmə, sidik ifrazı zamanı kəskin ağrı və sidiyin bulanıqlaşması (sidik kanalının selikli qişasının prosesə qoşulduğu hallarda), selikli və ya sarımtıl selikli-irinli ifrazatların miqdarının artması müşahidə edilir. Bəzən bədən hərarəti subfebril həddə qədər yüksəlir.

Residivləşən