Uşaqlıq qanaxmaları – aybaşı sikli ilə əlaqəsi olmayan patoloji vəziyyətdir. Cinsi yollardan müxtəlif intensivlikli qanın xaric olması ilə xarakterizə olunur. Qadın reproduktiv sisteminin müxtəlif xəstəliklərində: iltihabi proseslər, uşaqlığın şişləri və travmaları, düşüklər, uşaqlığın atoniyası, qanın laxtalanma xüsusiyyətlərinin pozulmalarında müşahidə oluna bilər. Uşaqlıq qanaxmaları anemiyanın inkişafına gətirib çıxardır, ağır hallarda isə şok və letal sonluqla nəticələnir.