sarğılar, trombinlə yaraların işlənməsi tətbiq oluna bilər. Ağırlaşmamış qanaxmalar zamanı uşağa tam sakitlik verilməli, soyuq, zədələnmiş oynağın gips langeti ilə immobilizasiyası, sonralar UYT-terapiya, elektroforez, müalicəvi bədən tərbiyəsi, yüngül massaj mütləqdir. Hemofiliyalı xəstələrə A, B, C, D vitaminləri, fosfor və kalsium duzları ilə zənginləşdirilmiş pəhriz tövsiyə olunur.


Hemofiliyanın proqnozu və profilaktikası
Uzunmüddətli əvəzedici terapiya izoimmunizasiya, giriş faktorların prokoaqulyant aktivliyini blokada edən antitellərin əmələ gəlməsi və adi dozalarda hemostatik terapiyanın effektsizliyinə gətirib çıxarır. Belə hallarda hemofiliyalı xəstəyə plazmaferez aparılır, immunodepressantlar təyin olunur. Hemofiliyalı xəstələrə tez-tez qan komponentləri köçürüldüyündən İİV-infeksiya, hepatit B, C və D, herpes, sitomeqalovirusla yoluxma riski istisna olunmur.

Yüngül dərəcəli hemofiliya yaşam müddətinə təsir göstərmir; ağır hemofiliyada cərrahi əməliyyatlar və travmalarla bağlı massiv qanaxmalar zamanı proqnoz pisləşir.

Profilaktika hemofiliyaya görə ağırlaşmış ailəvi anamnezi olan cütlüklərin tibbi-genetik konsultasiyadan keçməsini təklif edir. Hemofiliyalı uşaqlar həmişə xüsusi vəsiqə gəzdirməlidirlər. Həmin vəsiqədə xəstəliyin tipi, qan qrupu və Rh-ın növü göstərilməlidir. Onlara qoruyucu rejim, travmaların profilaktikası; pediatr, hematoloq, uşaq stomatoloqu, uşaq ortopedi və s. dispanser müşahidəsi; ixtisaslaşmış hemofiliya mərkəzində müşahidə