Artropatiya – oynaqların başqa xəstəliklər və patoloji vəziyyətlər fonunda ikincili zədələnmələridir. Allergiyalar, bəzi infeksion xəstəliklər, endokrin patologiyalar, daxili orqanların xroniki xəstəlikləri, metabolik pozumalar və sinir tənzimlənməsinin pozulması zamanı inkişaf edə bilər. Artropatiyaların klinikası bir-birindən xeyli fərqlənir. Ümumi fərqləndirici əlamətlərə ağrılar, asimmetrik zədələnmələr, oynaq sindromunun əsas xəstəliyin gedişindən asılılığı, instrumental müayinələrin (rentgenoqrafiya, MRT, KT) nəticələrinə görə zəif dəyişikliklər aiddir. Artropatiyanın diaqnozu oynaq sindromu və oynaqdankənar simptomatika podaqrik və ya revmatoid artrit kriteriyalarına uyğun olmadıqda qoyulur. Müalicə əsas xəstəliyə əsasən həyata keçirilir.

Artropatiya barədə ümumi məlumat
Artropatiya – oynaqların qeyri-revmatik xəstəliklərlə əlaqəli zədələnmələridir. Müxtəlif etiologiyalı ağrılar zamanı yarana bilər. Artralgiya (oynağın forma və funksiyaları dəyişilmədiyi halda meydana çıxan ağrılar) və ya reaktiv artrit şəklində gedir. Artropatiyaların əsas fərqləndirici xarakteristikası oynaq sindromunun əsas xəstəliyin gedişindən asılılığıdır. Oynaqlarda kobud patoloji dəyiikliklər, adətən, inkişaf etmir; əksər hallarda əsas xəstəlik adekvat müalicə olunduqda oynaq simptomatikası ya tamamilə keçib gedir, ya da xeyli azalır.

Allergik artropatiya
Oynaqlarda ağrılar allergik reaksiyalar fonunda əmələ gəlir. Artropatiya allergenlə kontaktdan dərhal sonra və ya bir neçə gün sonra inkişaf edə bilər. Diaqnoz xarakterik allergik simptomatikaya (hərarət, dəridə səpkilər, limfoadenopatiya, bronxoobstruktiv sindrom və s.) əsasən qoyulur. Qan analizlərində hiperqammaqlobulinemiya, eozinofiliya, plazmatik hüceyrələr və IgG antitelləri aşkarlanır. Artropatiyanın əlamətləri desensibilizasiyaedici terapiyadan sonra keçib gedir.


Reyter sindromu zamanı artropatiya
Reyter sindromu görmə, sidik-cinsiyyət sistemi orqanları və oynaqların zədələnməsindən ibarət triadanı özündə əks