Barmaqların artriti – ətrafların əl darağı-falanqa, ayaq darağı-falanqa və falanqalararası oynaqlarını zədələyən iltihabi prosesdir. Artrit sakitlik və hərəkət zamanı barmaq falanqalarının birləşdiyi yerdə ağrı, oynaqlarda ödem, onların hərəkətinin məhdudlaşması və formasının dəyişməsi ilə xarakterizə olunur. Barmaqların artritinin diaqnostikası kompleks laborator və instrumental müayinələrin – qanın ümumi və biokimyəvi analizi, barmaqların rentgenoqrafiyası, MRT-nin aparılmasını nəzərdə tutur. Patologiyanın müalicəsi dərman terapiyası (antibiotiklər, xondroprotektorlar, iltihab əleyhinə preparatlar), fizioterapiya, massaj, müalicəvi gimnastikanın köməyilə həyata keçirilir. Ehtiyac olduqda artroplastika və ya endoprotezləmə icra oluna bilər.

Barmaqların artriti barədə ümumi məlumat
Barmaqların artriti əl və ayağın kiçik oynaqlarının iltihabi dəyişiklikləri ilə gedən periferik artritdir. Patologiya, adətən, sərbəst xəstəlik kimi deyil, revmatik, metabolik və infeksion xəstəliklərin klinikasında ikincili sindrom kimi çıxış edir. Bu zaman əl darağı-falanqa və falanqalararası oynaqlar daha çox zədələnir. Revmatologiyada əl barmaqlarının artriti qadınlarda 3-5 dəfə daha çox diaqnostika olunur; bu onların əl əməyi ilə daha çox məşğul olmaları, nəticədə oynaqların yüklənməsi və bükmə-açma hərəkətlərinin yüksək tezliyi ilə əlaqəlidir. Barmaqların artritini sosial əhəmiyyətli problemlərə aid etmək olar; belə ki, xəstəlik tez-tez peşə bacarıqlarının, özünə qulluq vərdişlərinin itirilməsi və əlilliyə gətirib çıxarır.

Barmaqların artritinin səbəbləri
Aparıcı səbəbdən asılı olaraq barmaqların birincili artritləri infeksion, metabolik, revmatoid və posttravmatik ola bilər. Kiçik oynaqların ikincili zədələnmələri keçirilmiş allergik, autoimmun və somatik xəstəliklər fonunda inkişaf edir. Barmaqların artriti, adətən, oliqo- və poliartrit; bir sıra hallarda lokal iltihab (monoartrit), məsələn, rizartrit – birinci bilək-əl darağı oynağının artriti şəklində gedir.


Kiçik