Epitelin apokrin metaplaziyası (kubşəkilli epitelin silindrik epitelə keçməsi, apokrin sekresiyanın meydana çıxması) ilə xarakterizə olunur. Histoloji quruluşuna görə apokrin adenozlar infiltrasiya edən xərçəngə oxşayır; lakin o, xoşxassəlidir.
Axar adenozu. Patologiya zamanı silindrik metaplaziyalı epitel hüceyrələri ilə hüdudlanmış süd vəzilərinin axarlarının genişlənməsi baş verir. Sklerozlaşan adenozlarla oxşardır.
Mikroqrandulyar adenoz. Kiçik axarların diffuz və nizamsız inkişafı ilə müşayiət olunur. Vəzin toxumasının sklerozu və sıxılması baş vermir.
Adenomioepitelial adenoz. Bu formaya çox nadir hallarda rastlanır və süd vəzilrinin adenoepitelioması ilə yanaşı gedir. Ocaqlı adenozdur.
Süd vəzilərinin adenozunun simptomları
Adenozun simptomatikası mastopatiyaların klinikası ilə oxşardır. Xəstəliyin formasından asılı olaraq bu və ya digər əlamətlərin ifadəliliyi fərqlənir. Adenozun ümumi simptomlarına mastodiniya (vəzin ölçülərinin böyüməsi, ağrılı olması, yüksək həssaslığı), menstruasiya ərəfəsində güclənən ağrılar, döş giləsindən ifrazatın axması, palpasiya zamanı döş nahiyəsində ağrılar aiddir.

Patologiyanın vəzidə lokal formasında bərk, hərəkətli, paylı quruluşlu, ətraf toxuma ilə birləşməmiş və aydın konturlu törəmə palpasiya olunur. Palpasiyada ağrı, döş giləsindən selik/ süd axması, dərinin deformasiyası və qoltuqaltı limfa düyünlərinin böyüməsi müşahidə olunmur. Xəstəliyin diffuz forması üçün vəzinin yayılmış ağrıları (ağrı vəzini bütünlüklə əhatə edir) xarakterikdir; süd vəziləri menstruasiyaönü dövrdə şişkinləşir və ağrılır olur; döş giləsindən sarımtıl və ya şəffaf ifrazat xaric olur. Diffuz adenoz vəzidə aydın kənarları və forması olmayan bir neçə müxtəlif ölçülü düyünlərin əmələ gəlməsi ilə xarakterizə olunur. Yanaşı yerləşmiş düyünlər birləşərək böyük ölçülü şiş illüziyasını yaradırlar. Süd vəzinin palpasiyası ağrılıdır; regionar limfa düyünləri böyüməmişdir.

Süd vəzilərinin adenozunun ağırlaşmaları
Adenozun gecikmiş diaqnostikası