Müştərək ürək qüsurları – bir neçə ürək qapağının eyni zamanda zədələnməsi və ya anatomik qüsurların müştərəkliyi ilə səciyyələnən anadangəlmə və yaxud qazanılmış ürək anomaliyalarıdır. Müştərək ürək qüsurlarının təzahürləri anomaliyanın strukturunda bu və ya digər qüsurun üstünlüyündən, zədələnmələrin müştərəkliyi və onların qarşılıqlı təsirindən asılıdır. Diaqnostika exokardioqrafiya (o cümlədən fetal), elektrokardioqrafiya, döş qəfəsinin rentgenoqrafiyası, aortoqrafiya, ventrikuloqrafiya, ürək boşluqlarının kateterizasiyasının nəticələrinə əsaslanır. Müştərək ürək qüsurlarında hemodinamik dəyişikliklərin (ağciyər hipertenziyası, ürək çatışmazlığı) konservativ müalicəsi və ya cərrahi korreksiya (çoxqapaqlı protezlənmə və s.) icra olunur.

Müştərək ürək qüsurları barədə ümumi məlumat
Müştərək (mürəkkəb, çoxqapaqlı) ürək qüsurları 2 və 3 üç ürək qapaqları və dəliklərinin (mitral, trikuspidal, aortal və ağciyər) eyni zamanda zədələnməsi ilə xarakterizə olunur. Nəzəri cəhətdən bir pasiyentdə 8 qüsurun – mitral stenoz və mitral çatışmazlıq, trikuspidal stenoz və trikuspidal çatışmazlıq, aorta dəliyinin stenozu və aortal çatışmazlıq, ağciyər arteriyası dəliyinin stenozu və ağciyər arteriyası qapağının çatışmazlığının olması mümkündür. Lakin bu tip çoxsaylı zədələnmə kardiologiyada çox nadir hallarda rast gəlinir.

Qazanılmış mürəkkəb ürək qüsurları arasında əsasən mitral və aortal qapaqların (mitral-aortal qüsur – 44%), mitral və trikuspidal qapaqların (mitral-trikuspidal qüsur – 10%) və sadalanan hər üç qapağın (mitral-aortal-trikuspidal qüsur – 10%) müştərək zədələnmələrinə təsadüf edilir. Mitral-aortal çatışmazlıq, aortal çatışmazlığın kombinəolunmuş mitral qüsurla müştərəkliyi, kombinəolunmuş aortal qüsurun kombinəolunmuş mitral qüsurla müştərəkliyi daha az qeydə alınır. Qapaqların patoloji prosesə cəlb olunması eynizamanda və ya tədricən baş verə bilər.


Müştərək anadangəlmə ürək qüsurlarına həmçinin Fallo triadası, Fallo tetradası, Şon sindromu, Ebşteyn