Deyirlər, gözəldir
bir qadına "ömrüm, günüm" - demək,
sarılmaq, nəfəs kimi çəkməy içinə ətrini,
onu vəsf etmək,
ona həsr etmək şeirlərin ən gözəl sətrini.
Öləndə belə onu yaşadaraq ölmək gözəldir,
ağlayanda ağlamaq,
o güləndə gülmək gözəldir.
Deyirlər, göz yummaqdır,
qəlbinin qırıqlarını göz yaşıyla silməkdir sevgi,
bir quru gülüşünə belə
dünyaları verə bilməkdir sevgi.
Hər payız yağışında, yarın hər baxışında,
həyatın çovğununda, qarında,qışında,
dağında, daşında,
ən çətin yollarında, daşında, kəsəyində,
onu daşıyıb ürəyində
ona doğru addımlamaq, getməkdi sevgi