Yaşımı soruşma,dərdimi soruş.
Təsadüf hallarda gülən yaşdayam.
Dünyanın ruhunu xəzan yelindən,
İçini çölündən bilən yaşdayam.

Nə ürək sənindir,nə sən ürəyin
Halını bilməzkən küsən ürəyin
Xəzan yarpağı tək əsən ürəyin
Dərdini özümlə bölən yaşdayam.

Bəzən arzuları yıxıb gedənəm
Gördüm həyat məni sıxıb,gedənəm
Baxma ki, özümdən çıxıb gedənəm
Hərdən bir qayıdıb gələn yaşdayam.

Gəl, ürək sözünü yaz köynəyimə
Hopsun kor qələmdən toz köynəyimə
Keçən il aldığım boz köynəyimə
Gözümün yaşını silən yaşdayam.

Bal bilib almışam,tünd zəhər çıxıb
Xeyir umduqlarım gəlib şər çıxıb
Gcədən səhərə birtəhər çıxıb
Səhərdən axşama ölən yaşdayam.