Ucqar bir kənddə yeni evli bir cütlük yaşayırdı. Bir gün bir qəza nəticəsində kişi ölür və hamilə qadın tək qalır. Özünü tənha hiss edən qadın bir gün çöldə yaralı tapdığı gəlinciyi (elmi adı Mustela) ona yoldaş olsun deyə evinə gətirir.
Gəlincik qadının yanından bir an ayrılmaz, hər nə qədər ev heyvanı olmasa da, çox uyum saxlayıb əhilləşir. .Bir neçə ay sonra qadının övladı dünyaya gəlir.
Qadın, tək başına bütün çətinliklərə dözüb övladını böyütməyə çalışır.

Günlər keçər və qadın bir gün bir neçə dəqiqəlik də olsa yatmış körpəni evdə tək qoyub getməyə məcbur olur,gəlincik körpə ilə qalır. Aradan bir az keçəndən sonra qadın evə qayıdar və qapının ağzında ağzı qanlı gəlinciyi görər. Qadın, dəhşət içində dəli kimi gəlinciyə hücum edib oradaca onu öldürür. Elə bu zaman içəridən körpənin ağlamaq səsi gəlir.
Otağa girən qadın beşikdə yeni oyanmış körpəsini və beşiyin yanında öldürülmüş ilanı görür....