MƏNƏ BİR AZ YALAN DANIŞ
Mənə bir az yalan danış, əzizim,
Yalan danış, de ki səni sevirəm.
Səsin tanış, sözün tanış, əzizim,
Amma qəlbin nə söyləyir, bilmirəm.

Hər sözünə inanardım bir zaman,
Keçdi daha , o sən görən deyiləm,
Çətin bir də belə yanam, odlanam,
Çətin bir də sınam belə, əyiləm.

Mənə bir az yalan danış, əzizim,
Mən ki, təkcə səndən sevgi umandım,
De ki, sənsən sevgi adlı dənizim,
De ki ,sənsən ilk sevincim, son andım.
Mənə bir az yalan danış, əzizim,
Aldat məni, bəlkə bir də inandım..

Xatire Xatun