sevişməlidir. Qadın qorxur. Qaçmağa yer yox, qışqırmağın mənası yox. Razılaşır. Kişiyə özünü istəyirmiş kimi göstərir. Söhbət edirlər, qadın mətbəxə, su içməyə getdiyini deyir, kişiyə də təklif edir və o razılaşır. Mətbəxdə stəkana su süzür, cibinə bıçaq qoyub otağa qayıdır. Kişi su içəndə bıçağı boğazına soxur... Ola bilər belə hadisə?
- Ola bilər. Amma polislər tezliklə onu tutar.
- İndi hə, bəs 25 il qabaq?
- 25 il qabaq çətin olardı, razıyam. Amma o qadının yerinə olsaydım vicdan əzabı çəkməzdim.
- Doğurdan?
- Əlbəttə, o ölməli adam olub.
- Ölməli olan öldü, bəs onu sevənlər? Axı onların günahı yoxdur, amma onların da bir parçası onunla bir yerdə ölür.
- Təəssüf ki, həyat çox vaxt belə olur. Ya incitməlisən, ya da incidiləcəksən.
Yenidən sükut çökdü. Bir az sonra uzaqdan qadının səsi eşidildi:
- Əminəm ki, belə söhbətdən sonra qadının ürəyi rahatlaşardı.
Və yenidən sükut