anasının sinəsinə yapışdırıb yenidən ağlamağa başladı.
Zeynəbin xəstəliyi getdikcə irəliləmişdi. Bunu düşünərək uşağa boş ümid verdiyini anladı. Gözləri doldu, lakin, bunu Şəmsə hiss etdirmədi:
Bilirsən sənin adını niyə Şəms qoymuşam?
Uşaq, mavi gözləriylə anasına baxıb başını“yox” deyərək yellədi.
Şəms, "günəş" deməkdir. Sən, tam da göy üzü işıqlanan zaman doğulmusan. Zəif olduğundan, səni mənim qucağıma gec verdilər. Gözlərini açıb mənə baxdıqda, sonsuz bir işıq gördüm. Nə yaşayırsan yaşa, gələcəyə ümidlə baxacağın o işığı. Hər ananın övladına arzuladığı o xoşbəxtliyi sənə arzulamışam. Bunu sən özün ana olduğun zaman anlayacaqsan, əzizim. Amma, bir yandan da qorxurdum. Səni tək böyütdüyümə görə birdən nədəsə yanlış edərəm. Sənə yaxşı ana ola bilmərəm. Şəmsim, mənim günəşim, sən çox güclü qızsan. Həyatdır, mütləq çətinliklər olacaq və sən bu yolda heç vaxt ümidini itirmə və nikbin qal. Xəyallar qur, hansı ki, səni xoşbəxt edəcək olanlardan. Çünki insanı yaşadan onun gözəl xəyalları, arzu və istəkləridir. Yadında saxla əzizim, Tanrı hər şəraitdə bizim xeyrimizə olan yollar açır. Sonra əlini ulduzlara uzadaraq sözünə davam etdi: -Bax yan-yana duran iki ulduz; biri atandır, birisə qardaşın. Onlar, bizi heç təhna qoymurlar. Hər gecə bizə ziyarət edirlər... - bu hadisə indi hər xırdalığı ilə Qəmərin gözünün önündə təcəssüm etdi. O, keçmişində olan heç nəyi unutmamışdı. O, öz doğmaca anasını unutmamışdı. Gözləri yaşla doldu. Cəld göz yaşlarını silib anasının sözlərini təkrar etməyə başladı; düşüncələrin necədirsə, həyatın da elə olacaq. Ona görə də düşüncələrini yaxşı tutmağa çalış. Daha sonra aynada özünə təkrar baxıb gülümsəyərək: -hər şey bir gün, mütləq yaxşı olacaq, - deyib otaqdan çıxdı.
Bəzi insanlar var ki, doğuşdan müsbət fikirlidirlər amma bəziləri isə pozitiv olmağı sonradan öyrənir. Əgər düşüncələrinə nikbinlik qatsan, pozitivliyə nail ola bilərsən. Qəmərdə bu hal doğuşdan deyildi…
Saat on ikiyə işləyirdi. Qəmər cəld paltosunu geyinib, yüksək