Biz dünyadan, dünya bizdən gileyli,
Məcnun küsüb, vəfasızdır ki,Leyli.
Aləm bizim bütün qüzey-güneyli
Dünya daha bizim üçün neyləsin
Dəryasına balıq verib, qirmışıq,
Çöllərinə turac verib, vurmuşuq,
Qalanların cələsini qurmuşuq
Dünya daha bizim üçün neyləsin
Bulağının, yarpağının dili bir,
Meșəsinin budaq-budaq qolu bir,
Biz əyməsək, haqqa gedən yolu bir-
Dünya daha bizim üçün neyləsin
Bir naxırı buraxmışıq tayaya
Suya zəhər, dinamiti qayaya,
şaqqa ətdir, keçirmişik payaya
Dünya daha bizim üçün neyləsin.
Özümüzçün yaratmışıq bu dərdi
Sərhədləri yolumuzda sipərdi,
Bölən olsa havasını bölərdi
Dünya daha bizim üçün neyləsin.
Nə Günəşin, nə Yerindir bu illət
Qalx Göydən bax, toz qoparır bu millət.
Nə vurhavur, nə qiyamət, nə zillət!
Dünya daha bizim üçün neyləsin.

Ovsarını verdik namərd əlinə
Çoxu saldı bizi ölüm selinə.
Məzar-məzar yüklənmişik belinə,
Dünya daha bizim üçün neyləsin.
Xəmirimiz, qatığımız-duzumuz
Maya tutdu, tutmadı çox sözümüz.
Ozumuze elemisik Özumuz,
Dunya daha bizim ucun neylesin.