2. Bölüm

Rusiya/ Moskva
Günlər keçdi.
Universitetdən yaxın rəfiqəm olan Ceyla ilə birlikdə çıxıb birbaşa bizə gəldik. O, bu gecə mənimlə qalacaqdı. Bunu hələ dünəndən danışıb razılaşmışdıq.
Evə gəlib çatanda əmim oğlu Yasini bizdə görüb təəccübləndim. Gələcəyindən xəbərim yox idi.
Halbuki, Yasin Rusiyaya tez- tez səfər edirdi. Hər gəlişində mütləq bizə də baş çəkirdi.
O, idmançı idi. Azərbaycan Dövlət Bədən tərbiyəsi və İdman Akademiyasının məzunu olmuşdu. İdmanın cüdo növü ilə məşğul idi. Tez- tez xarici ölkələrdə çempionatlara, beynəlxalq turnirlərə, yarışlara qatılırdı. Medalları, diplomları, tərifnamələri vardı. Artıq bir neçə ildir Bakıda yaşayırdı. Orada idman klublarından birində məşqçi kimi fəaliyyət göstərirdi. Bundan əlavə model kimi seriallarda, kliplərdə də rol alırdı. Nişanlısı Jalə ilə də illər əvvəl çəkiliş meydançalarından birində tanış olub münasibət qurmuşdu.
Onu hər gördüyündə hayıl- mayıl olan Ceyla Yasinlə bağlı paylaşımları izləyib, fotoşəkillərini özü üçün götürüb saxlayırdı.
İndi də Yasini bizim evin pilləkənlərində görəndə yerində suya dönüb qaldı. Gözləri ət görmüş pişiyin gözləri kimi parladı. Həyəcandan haldan- hala düşdü:
-- Aman Tanrım! Mən kimi görürəm?! - dərin bir ah çəkib daha sonra mənə irad tutdu- Paxıl! Bunu əvvəlcədən deyə bilməzdin ki? Bir bax da...bərbad gündəyəm!- saçlarını tez- tələsik qaydaya saldı.
Onun ağlından keçənlərdən bixəbər olan Yasin ağır addımlarla pilləkənləri enib bizə doğru gəlməyə başladı. Əmim oğluna bəlli etmədən
dirsəyimlə rəfiqəmin qoluna vurdum.
-- Özünə gəl!
Ceyla buna rəğmən heyranlıq yağan baxışlarını Yasindən çəkmədən vaxt tapıb yanıb yaxıla- yaxıla bu sözləri pıçıldadı:
-- Buna nə yedirib- nə içirirlər ay qız, zalım, gün keçdikcə daha xarizmatik olur. Can alıb, ürək dağlayır!
Baxışları ilə az qala oğlanı yeyib- bitirdi.
Tərs- tərs rəfiqəmi süzüb xəbərdarlıq etdim:
-- Niyyətini düz elə, o, nişanlıdır artıq! Yaxın zamanda toy edəcəyik!
-- Nəəə?- Ceyla az qala