Belə olmaz! Bu düzgün deyil! Ailə quracaq olan Yağmurdur.
Bibimin sözləri ürəyimə müdhiş rahatlıq gətirdi. Qəlbimi saran qara qorxular az da olsa çəkilib getdi. Necə olsa bu məsələdə məni anlayan biri var, deyə arxayınladım.
Sədəf Nərgiz bibidən bu sözləri duyanda cəsarətləndi. Ürəyindən keçənləri çəkinmədən dilinə gətirdi:
-- Sənlə məhz elə buna görə danışmaq istəyirəm Nərgiz. Rəhmana, onun xarakterinə bələdsən, o, məndən çox səni dinləyər. Onunla açıq danış və başa sal ki, qızın fikrini öyrənmədən qərar verməyə tələsməsin. Hər halda sabahı da düşünmək lazımdır.
-- Hər şeydən əvvəl əgər belə bir iş varsa, bu barədə ciddi düşünürsünüzsə, gənclər bir-birlərini görüb tanımalıdırlar. İndi hansı zəmanədir ki, görmədən- bilmədən ərə gedəsən, və yaxud evlənəsən?


2. Bölüm sonu

Yazar: FİRUZƏ