bağırdı. Bu xəbərə qanı əməlli- başlı qaraldı, qaşları düyünləndi.
Yasinin bu sözlərə qulaq şahidi olmasını əngəlləmək üçün addımlarımı yeyinlədib özüm ona doğru getdim. Ona çatıb salam verdim. Salamımı alıb kefimi xəbər alan Yasinə :
-- Mən yaxşı. Bəs sən? - deyəndə o,
-- Əlhəmdulillah! - deyib, əlavə etdi- Sənin dalınca gəlirdim mən də. Əmi zəng vurmuşdu, səni universitetdən götürməyimi istədi.
Bu mənim üçün qeyri- adi bir şey deyildi, Yasin burada olanda atam məni həmişə ona əmanət edib, harada olsam dalımca göndərirdi.
-- Əmigil necədir? Olmaya, yenə tək gəlmisən?
-- Hamının salamı var.- Yasin xəfif təbəssümlə cavab verdi- Hə elədir, tək gəlmişəm.
Elə bu dəmdə Ceyla öz varlığını bir şəkildə ona hiss etdirməyə can atdı.
-- Salam!
Yasin mənlə danışdığı halda gözucu Ceylaya baxıb, tamam ciddi ifadə ilə başını yüngülcə tərpədərək onun salamını aldı.
O anda Ceylanın nə hisslər keçirdiyini anlamaq heç də çətin deyildi. Gözünü Yasindən çəkmədən ürəyi qan ağlaya- ağlaya gülümsədi.
Maraqlanıb Yasindən soruşdum:
-- Hər şey yaxşıdır?
-- Hə, əlbəttə! - Bu vaxt telefonuna zəng gəldi. O, gözucu zəngə nəzər salıb, daha sonra mənə :
-- Yağmur, mən bizim uşaqlardan biri ilə görüşməliyəm, qayıdıram birazdan. Çox güman o vaxta qədər əmi də gəlmiş olar. - dedi- Məni soruşsa belə de.
-- Aha! Oldu!
O, bunu deyib məndən ayrılaraq qapıya üz tutanda Ceyla dərhal mənə yaxınlaşdı:
-- Sən ciddisən? Yəni o, doğrudan... Axı nə vaxt?
Ona sözünü tamamlamağa macal verməyib mövzunu bağlamaq istədim.
-- Əmin olmaq istəyirsənsə nişan şəkilləri var məndə, baxarsan.- dedim.
Ceyla həqiqəti belə tez qəbul etmək istəmədi. Şikayətləndi.
-- Ədalətsiz həyat!
-- Buna qatılmıram. Onlar neçə illərdir bir yerdədirlər. Sonunda evlənmək qərarı aldılar.
-- Hmmm... - Ceyla şeytan baxışlarını işə salıb gülümsədi - Sən mənim digər adımı bilirsən də... Mənə el arasında " Kaktus " deyirlər. Sevgililərin arasında bitirəm.
Tamam ciddi tonda ona xəbərdarlıq etdim:
-- Bunun