nə qədər keçdi, bilmirəm, lakin rəqsin ortasında qızlar :
-- Vaauuu..!!! - deyə birdən hamılıqla içlərini çəkib heyrətli baxışlarla bir istiqamətə fokslandılar. Rəqs, musiqi, əyləncə, ümumiyyətlə hər şey yaddan çıxdı.
Bir yerə toplanan qızlar arasında pıçhapıç başlandı.
Larisa şeytani təbəssümlə :
-- Aman Tanrım! - dedi, köks ötürdü.
Alina heyranlıq yağan baxışlarla gözlərini eyni istiqamətə zilləyib qızlara səsləndi:
-- Bilən var? Bu kimdir belə?
Onları heyrətə salan səbəbi bilmək üçün mən də çevrilib baxdım.
Yasin rəqs meydançasının tən ortasında dayanmışdı. Və birbaşa üzümə baxırdı. Qızların ona heyran- heyran baxmasının fərqində olsa da görməzlikdən gələrək biləyindəki saatı mənə göstərib getmək zamanın gəldiyini mənə işarə etdi.
O, belə edəndə yanımdakı qızlar bir az da əridilər. Onlardan biri Viktoriya adlı qız etiraf etdi:
-- Çooox yaraşıqlıdır!
-- Aha! - Marina da köks ötürdü.
Həmvətənlimiz olan Flora da mövzudan kənar qalmadı. Ürəyindən keçənləri sərbəst şəkildə dilinə gətirdi.
-- Beləsini oğurlayıb çooox uzaqlara getməyi gəlir adamın! - dedi.
Jasmin Floranın sözünə qüvvət olaraq:
-- Eynən! - deyib, kədərlə ah çəkdi.
Salonun tavana, divarlara əksi vuran rəngarəng işıqları altında Yasinin xarizmatik görkəmi bir başqa cazibə, bir başqa sehr qatmışdı səslənən musiqiyə.
Əmim oğlunun bir baxışı, bir duruşu ilə qızların ixtiyarını əlindən aldığını onsuz da bilirdim. Dil tapıb yola gedə bilməsək də qulağım eşidə- eşidə onun şəninə tərif yağdırmaları bir başqa ləzzət elədi mənə. Ürəyimə yağ kimi yayıldı.
Yasinə baxa- baxa ah- uf eləyən qızlara tərs bir baxış atıb:
-- Eyy!!! Acgözlük etməyin! Pis gözlə baxmağı qəti qadağan edirəm! Sevgilisi var! Fikri də ciddidir!
Qızlardan biri dilini dinc saxlamadı.
-- Hansı ağılsızdır o, elə bunu gözündən kənara buraxıb?
Verdiyim məlumatdan sonra qızların üzündə məyus bir ifadə dolandı. Lakin oğrun baxışlarından da əl götürmədilər.
Yasinin yanına gedib qarşısında dayandım.
O, mənə yola