a düşəndə doğum günündə yalnız bir saat iştirak edəcəyimi tənbehləsə də sonradan necə olubsa ürəyinə rəhm gəlmiş, vaxtı bir saat da uzatmışdı. Bunu qiymətləndirmədən keçə bilmədim.
-- Nəzərə aldığın üçun sonsuz təşəkkürlər!
O, ciddiliyini pozmadan:
-- Dəyməz! - dedi. Bir yerə toplaşıb bizə baxan qızlara qıyğacı nəzər salıb, eyni zamanda da mənə eşitdirdi - Gedə bilərik?
Qızların halı yaman idi, bunu onların çöhrələrinə yansımış ifadədən oxuyub gülümsünərək Yasinə :
-- Bu qədər zülm bizimkilərə bu günlük bəs edər! Gedək!- dedim.
Çantamı götürüb qızlarla xudahafizləşərək Yasinlə birlikdə salonu tərk etdim. Foyedə marağımı boğa bilməyib sual verdim:
-- Maraqlıdır, niyə fikrini dəyişib belə gec gəldin? Axı, bir saat vaxt vermişdin....
O, sınayıcı nəzərlərlə məni süzüb, sözlərimə özünə məxsus tərzdə gülümsündü:
-- Mən getməmişdim. Düz iki saatdır buradayam. Sizə tamaşa edirəm.
Gözlərim heyrətdən böyüdü. Ayaq saxlayıb heyrətlə gülərək
-- Oooo....Hətta! Bəs belə de... - mat-məəttəl əmim oğlunu süzdüm.
Dodaqlarını büzüb, mənalı- mənalı başını tərpətdi.
-- Elədir ki var!
-- Elədirsə, mümkünsə təəssüratlarınızı bilmək olar, cənab? Bu barədə nə deyə bilərsiniz? Ürəyiniz tam rahat oldumu?
Yasin bu sozlərə özündən asılı olmadan güldü.
-- Sən necə, əylənə bildin?
Məmnun halda təbəssüm etdim:
-- Çooox!
-- Əla! O zaman deməli, hər şey yolundadır, gedə bilərik!
Taksiyə əyləşib yola düşdük.
Yolda qızların biraz əvvəlki reaksiyasını yadıma salıb öz- özumə gülümsünurdüm ki, bu Yasinin nəzərindən yayınmadı. Gözucu məni süzərək marağını boğa bilməyib, sual verdi:
-- Nə olub?
Düşüncələrimi gizlətməyib açıb söylədim:
-- Gəlişin bütün salonda yer kürəsinə enən meteorid partlayışı effekti verdi.
Ciddi görünməyə cəhd etsə də dodağı yüngülcə qaçdı. Lakin yola baxmağa davam elədi. Mənsə susmadım. Əhvalım kök halda:
-- Bəli- bəli! Bu gün mənimçün qeyri- adi, tarixi bir gündür! - dedim - Bəs necə, başqa bir planetdən bir yadplanetli mənim planetimə