Gününüzün xoş keçməsi üçün səhər yuxudan üzünüzdə təbəssümlə oyanın. Səhərlə yumor hissinizi unutmayın. İnsanda olan serotin hormonunu xoşbəxtlik hormonu adlandırırlar. Alimlər müəyyən edib ki, bu hormon insanın təkcə xoşbəxt anlarında deyil, həmçinin ləzzətli səhər yeməyi yedikdə yaxşı əhval-ruhiyə yaranır. 1 fincan kakao həm insanı yuxudan oyadır, həm də nahar yeməyinə qədər enerji verir. Şirin və kalorili kakonu içəndə sanki insanda belə bir fikir yaranır: “mən də hər şey əladır”. Səhərlər şokaladla isti çay içəndə də gün ərzində insan özünü gümrah hiss edir. Səhər idmanını edib, kakaonu içdikdən sonra duş qəbul etmək lazımdır. Duş qəbulu zamanı üzünüzün əzələlərinə mimiki gimnastika etdirin. Bu gimnastikanı hər gün etdikdə üzün əzələləri möhkəmlənir və əhval-ruhiyəyə yüksəlir. İnsanın özünə ciddi yanaşması elə onun özünə ziyandır. Səhərlərüzdə təbəssüm ən çox qadınlara lazımdır. Evdə hamıdan tez qadınlar yuxudan oyanırlar. Həyat yoldaşı və uşaqları üçün səhər yeməyini hazırlayırlar. Uşaqları yedizdirib, dərsə göndərir. Həyat yoldaşının işə geyəcəyi kostyumu, qalstuku, ayaqqabını hazırlayır. Bütün bunları yoluna qoyduqdan sonra özü də işə gedir. 8 saatlıq ağır iş rejimindən sonra evə qayıdıb, yenidən ev işləri ilə məşğul olur. Belə ağır günün sonunda qadınlarda güc qalmır.

Səhər yuxudan oyandıqdan sonra əhval-ruhiyənizin pis olduğunu hiss etdikdə yumor hissinizi yada salın. İnsan yumor hissi ilə ən çətin vəziyyədən qurtula bilir. Bütün cəhdləri sınadıqdan sonra yenə də səhər özünüzü əzgin hiss etsəniz...buna görə üzülməyin. Çünki hər gün səhər işə gedəndə avtobusda, yolda, metroda gülməli hadisələrlə qarşılaşırıq. Bu zaman əhval-ruhiyə tam düzəlir.